徐子珊，黃子華主演嘅《my盛lady》今日喺將軍澳一間酒店拍結婚戲。兩位主角其實只係觀禮，但係同場演出，之前涉及一單藏毒案，好彩最後冇事嘅嘅張慧雯就谷胸搶哂鏡。

子華喺劇入面原來睇中咗張慧雯，又話自己要主動出擊，仲話現實生活中自己都係咁，但係就死口唔講而家有冇拖拍，又話願望兩年內結婚生孫。係呀，冇打錯字，係結婚同生個孫。

生小朋友，一個人生唔到喎，點變個孫出嚟抱，子華就話喇：「可能我學Michael Jackson呢，唔會話比你哋知嘅。」

其實徐子珊今日都低胸o架，不過就輸晒，子珊之前跌傷未好番，但係都著住對5吋高踭鞋周圍走，真係見到都牙煙。記者跌咗本採訪筆記，佢仲第一時間想「烏低身」幫手執，不過就烏唔到。佢仲話因為開工未有時間覆診，吓，咁點得o架，健康要緊呀！不過佢又話工作人員因為佢上次意外而成日抹地，令佢覺得好warm喎。

話去觀禮，點解子華著成咁嘅？

子珊輸了…

嘩~~~~~~

子珊，快啲去覆診喇，身子要緊！