《My盛Lady》首日拍攝 黃子華徐子珊肥妹小寶

黃子華終於返嚟喇!子華今日同徐子珊、細細粒陳嘉佳喺烏溪沙為無綫新劇《My盛Lady》首日開工,好鬼瘦嘅子華精神奕奕地開工,佢接受訪問時話:「我之前每日都用成個鐘做運動o架。」證明子華都好緊張個劇,講到佢新劇角色,子華話:「角色係令人討厭嘅人,但相信觀眾會覺得我好可愛,我係專幫啲盛女搵好歸宿,唔收錢嘅『人生教練』,細細粒係我第一個幫嘅人。」

子華自己喺劇嘅感情線,原來除咗子珊外,仲有個「真命女友」,但o依家佢都未知係邊個。講到佢身形咁瘦咗,子華抗議:「全無綫啲花旦都咁瘦啦!」但子珊話怕子華抱佢唔起?子華話:「放心,我拎起件衫有二頭肌,好驚嚇,瘦骨仙都有肚腩仔,我係小肥仔。」問到佢係咪搵患病嘅張達明客串,子華話:「上次純傾偈冇講工作,等佢身體完全康復先啦,我知佢有幫幕後做嘢,充滿精力。」

首次同子華合作嘅子珊話:「同子華對戲好好玩,比想像中輕鬆。」子珊都話為咗弗啲嚟開工,之前都狂做運動跑步,雖然子珊話自己瘦咗,但拍埋子華度都仲算係肥。而細細粒因為同子華合作,緊張到前晚瞓唔著,佢話第一次有咁多戲份,所以做咗好多功課,細細粒話遲啲佢喺另一套劇《貓屎媽媽》入面會同王浩信拍拖,仲又尷尬、又冧咁話可能有咀嘴戲o添。

《My盛Lady》首日拍攝 黃子華徐子珊肥妹小寶
子華好鬼瘦
《My盛Lady》首日拍攝 黃子華徐子珊肥妹小寶
細細粒攬實子珊。
《My盛Lady》首日拍攝 黃子華徐子珊肥妹小寶
子珊即時咳!
《My盛Lady》首日拍攝 黃子華徐子珊肥妹小寶
肥瘦孖寶,相映成趣。

咩事子珊?
《My盛Lady》首日拍攝 黃子華徐子珊肥妹小寶
細細粒大件過子珊起碼兩倍。
《My盛Lady》首日拍攝 黃子華徐子珊肥妹小寶

黃子華變凸腩瘦骨仙

黃子華相隔四年再返無綫拍劇,新劇《My盛Lady》(暫名)。該劇首日開工,對於拍檔徐子珊為迎合他刻意減磅,弗爆的子華笑指全無綫及香港的女仔也很纖瘦:「放心啦!我除衫之後二頭肌幾驚嚇,唔只得棚骨,係小肥仔,瘦骨仙但有肚腩,都幾難練到!(再拍劇怕捱唔到?)4年捱一次唔緊要,有晒心理準備。(早排同抗癌成功o既老友張達明聚會?)佢身體一日比一日好,仲飲得吓酒,幾高興,戥佢開心!(TVB搵你叫達明返嚟客串?)等佢身體再好啲做咩都得,依家略瘦。(達明想返幕前?)佢唔停得,依家做緊幕後工作,充滿精力。」

同場的陳嘉佳(細細粒)透露因與前輩合作,昨晚緊張得未能入睡:「愈睇劇本我愈想減肥,3年後後開始。(以子珊為目標?)一定,一係唔減,一減就要勁瘦,一定嫁得出。」

瘦骨仙的黃子華笑言很難練到有肚腩。
瘦骨仙的黃子華笑言很難練到有肚腩。

徐子珊被細細粒攬到喪咳

穿短褲的徐子珊慘成蚊子攻擊對象。對於與黃子華演對手戲,她笑言比想像中輕鬆:「見到子華咁弗我都驚,真係唔好意思露對腳出嚟,好在我都有跑步Keep Fit。」

子珊與陳嘉佳(細細粒)拍攝對話戲份,分量十足的細細粒,將身形相距一大截的子珊攬入懷中,令子珊喘不過氣喪咳!問到與細細粒相擁的感覺,她說:「舒服、有安全感,其實喜劇嚟講,佢係我前輩添!」

細細粒肉緊地攬實子珊,搞到子珊險窒息。
細細粒肉緊地攬實子珊,搞到子珊險窒息。
子珊的美腿慘成蚊子的美食。
子珊的美腿慘成蚊子的美食。