無綫於通訊事務管理局定出嘅限期，仍未就終止禁制其藝人用廣東話於其他電視平台宣傳之限制發表回應。對於無綫是否故意拖延，及不尊重有關方面，黃宗澤今日到尖沙嘴，出席電燈品牌宣傳活動時就話：「專業法律上問題，唔輪到我去答，我唔方便畀意見，呢啲交畀律師處理，我尊重合約精神，合約寫咗應該做乜就做乜。」對於無綫採取拖延做法，會否擔心無綫得罪政府，黃宗澤話：「真係唔知點答，法律上嘅嘢唔輪到我講。無綫咁大間公司，同咁開明嘅政府，一定有良好溝通。」

早前已有傳同胡杏兒分手一段時間嘅Bosco想箍煲復合，但係畀胡杏兒好友胡定欣極力阻撓，Bosco話冇聽過呢啲傳聞，而且過咗去咁耐嘅嘢唔好再講喎。

Bosco又話，0依家同杏兒喺工作嘅時候都會碰到面，暫時自己以工作為主，不過佢話好忙，好似之前去到新加坡出席頒獎禮，雖然同杏兒碰到面，唔好話約會食飯，佢話運自己食飯都冇時間喎。