胡杏兒愛出面選澤稱視帝

杏兒睇好男友「宗」極稱帝

胡杏兒與李思捷日前為新劇開工,對於緋聞男友黃宗澤獲睇好能奪視帝,杏兒亦不忘暗撐男友,但未想過一齊攞獎。她透露挾新片強勢出戰「威尼斯電影節」,衝出香港!

無綫花旦胡杏兒日前與李思捷到土瓜灣拍攝新劇《換樂無窮》(暫名),飾演夫婦的他倆態度親暱,除了撐枱腳吔麵外,杏兒還替思捷抹嘴及大嗌「老公」,無懼「男友」黃宗澤(Bosco)呷醋!她說:「我同思捷喺《秋香怒點唐伯虎》合作過,但今次係第一次演情侶,同佢合作好開心!」

怕煩拒公開戀情

對於被視為視后大熱,杏兒謙稱言之過早,反讚楊怡、陳法拉、徐子珊及鍾嘉欣均是好戲之人:「睇埋台慶劇《萬凰之王》嘅反應先知!(鍾嘉欣睇好你?)佢都好可愛!」提到兩屆視帝黎耀祥早前激讚Bosco有機憑《潛行狙擊》的「跛Co」爆冷,杏兒甜笑力撐:「佢做得幾好,但要睇埋結局先得,其實有祥仔讚好都係指標!(想一齊攞獎?)冇咁諗過喎!(曾志偉開兩部戲畀Bosco,你又進軍影壇?)嚟緊都會為新片參加「威尼斯電影節」,當見識吓!」並表示希望演「熟女」角色增進演技。

此外,對於不少明星公開戀情,杏兒說:「好多外國藝人拍拖結婚都公開,係香港娛樂圈太奇怪啫!其實唔想公開都係費事煩。(你同Bosco都係?)好多人都係,哈哈!」

杏兒進軍「威尼斯電影節」,為新片宣傳。

杏兒進軍「威尼斯電影節」,為新片宣傳。

杏兒與思捷首次合演情侶,合作愉快。

除了撐枱腳外,杏兒還與思捷歎雪糕,認真恩愛!

除了撐枱腳外,杏兒還與思捷歎雪糕,認真恩愛!

杏兒讚祥仔有眼光,擺明撐男友黃宗澤攞視帝!(資料圖片)

杏兒讚祥仔有眼光,擺明撐男友黃宗澤攞視帝!(資料圖片)


本文鏈接:胡杏兒愛出面選澤稱視帝