胡定欣渴求桃花緣

農曆新年將至，胡定欣和王浩信都希望新一年能事事順利，定欣繼續買桃花催運搵Mr. Right和密密搵銀，名「草」有主的浩信笑言最怕桃花劫，又說怕派利是打消結婚念頭。

王浩信家人在新疆，他希望能抽空回去過年，定欣則望事業更上一層樓。

早前拍《刑警》的定欣大獲好評，新一年她希望事業愛情兩得意，未知是否理想男伴還未出現，她自爆每年都會買桃花催感情運︰「我好鍾意粉紅色，覺得桃花好靚，第一年仲打孖咁買。」

買三年桃花

定欣又謂身邊朋友指買桃花買足三年有助人緣，感情未有着落的她已不知不覺買了三年桃花︰「今年都會買，好似係一個習慣，之前都係自己一個人喺維園將桃花搬返屋企。」

除為愛情打算，定欣十分着緊事業，新年希望能在工作中度過︰「既可以搵錢，如果有工開又可以證明自己嘅能力。」她又回想讀書時期在花車巡遊中表演中國舞，機會十分難得。

定欣喜歡過年氣氛，花車巡遊是她的「飛佛」。

胡定欣和王浩信希望過一個肥年。

唔想派利是

至於已名「草」有主的王浩信，笑言買桃花怕有桃花劫︰「相士話我條命旺桃花，喺藝人嚟講即係觀眾緣，不過都係唔好買喇。」他表示憧憬有自己的家庭，曾有結婚念頭，但因想起要派利是而打退堂鼓，他笑說︰「我係巨蟹座諗嘢比好多人小心，每次諗起結婚後就要派利是，要用好多錢怕負擔唔起。」此外，浩信稱屋企人在新疆，五年前曾回去過年，最特別的是新疆人不流行派利是，只會派給熟絡的親戚。

攝影︰李柏儒

場地︰IFC

髮型（胡定欣）︰Matt Chiu（Xenter）

服裝（王浩信）︰Twist

胡定欣買桃花催姻緣

過去一年事業得意的王浩信與胡定欣，情場卻大大不同。未有着落的定欣自爆近年均會在農曆新年期間買桃花催運︰「我覺得桃花好靚，第一年仲打孖買！今年都會再買應吓節。聽朋友講買足三年有助人緣，我都買咗三年喇！」反觀王浩信聽到買桃花即十分抗拒，坦言最怕有桃花劫︰「相士話我條命旺桃花，喺藝人嚟講即係觀眾緣，但都係唔好買喇！」有意組織家庭的他笑言因想起要派利是，隨即打消結婚念頭︰「每次諗起結婚後就要派利是，要用好多錢，怕負擔唔起。」他又透露五年前曾與家人往新疆過年，希望能再抽空到當地一起過節。

胡定欣與王浩信十分傳統，自言會購買應節東西過年。