據知無綫於年底計劃開拍新劇《醋娘子》，主角人選亦已敲定「阿姐」汪明荃與黃宗澤，這個看似《野蠻奶奶》系列，因Bosco與胡杏兒舊情不復再，「乖仔新抱」堅拒重拾舊歡，連「奶奶」阿姐夾在其中都無計可施。因「順得黃時失杏兒」，以致《野蠻奶奶》第三部曲難以成事，加上阿姐檔期緊密，最後亦等不到愛兒新抱和好如初而推辭，令《醋娘子》至今仍未能定到主要演員。

記者致電阿姐求證無綫斟拍《醋娘子》，她承認公司確有向她度期開劇：「初頭係有度過，但我最後都接唔到，因為年底要去加拿大幫宣明會做嘢，要去成廿幾日，套劇就唔到期。」她透露《醋》劇與之前的《野蠻奶奶》不同：「今次唔係講婆媳間嘅呷醋，係真係食得嗰啲醋，而且同之前兩集嘅故事完全唔同。」對於未能再與乖仔Bosco繼續合作，阿姐稱不清楚有哪些演員會接拍，一切由公司決定。