呢排無綫套《老表，你好嘢！》好多人談論，大多數人都係話個劇再挑起中港矛盾，但有啲觀眾就唔理咁多，只當佢係一套喜劇咁睇，有啲人更加係為咗長腿姐姐萬綺雯而捧場，不過劇中飾演王祖藍兒時好友「細細粒」嘅小寶，風頭都唔弱得過女主角，雖然小寶係肥妹一名，但佢咁可愛，已經俾高登仔封為女神喇！
網民：瘦咗一定好靚女
喺電影公司做文職嘅小寶俾人發掘做幕前，最近仲同無綫簽咗兩年約，佢之前喺電影《勁抽福祿壽》同劇集《巴不得媽媽…》都好出位，啲高登仔就讚佢好得意，瘦咗一定好靚女，小寶噚日就話多謝網友嘅讚美，問到佢會唔會減肥？小寶話：「我雖然太鍾意食嘢，但都會為健康減肥嘅。」喺劇裏面，小寶同祖藍演嘅蔡芯係好朋友，但佢哋冇感情線，只係遲啲同埋王菀之組咗隊Band叫「Oh Baby」，咁小寶想唔想第時拍劇有感情線呢？佢就話：「冇所謂！」其實如果小寶有感情戲，都應該會好多搞笑成份幾好睇。
撰文：馮仁昭
26歲肥妹小寶：「我以前正職教鋼琴，閒時做特約演員，4年半前第一次演出電影《矮仔多情》識祖藍，可能佢見我形象同性格特別啦，之後做演唱會、開劇都有搵我。o依家我同無線簽咗兩年藝員合約，真係要多謝祖藍我至有機會走入電視台。」
220磅肥妹演「細細粒」
’08《矮仔多情》
四年前小寶第一次做電影老臨《矮仔多情》(小圖)同祖藍有一幕感情戲咁大把，祖藍打後開戲、開騷都記住小寶，仲帶挈小寶簽約 TVB，主演新劇《老表，你好嘢！》。
身高 5呎 7吋，體重 220磅，現時仍是電影製作公司秘書的小寶，辦公桌上有「我要減肥」自勉說話，不過明顯未成功。
接住《老表》出街的《初五啟市錄》都有肥妹小寶份，去年底播出的《巴不得媽媽》小寶就有份累香香公主跌落海。
小寶（左二）去年五月簽約成為 TVB合約藝員，在王祖藍度橋的《老表，你好嘢！》傍住祖藍、王菀之戲分吃重。
拍完《矮仔多情》，祖藍即對肥妹念念不忘，王祖藍 11年開個唱又搵小寶上台表演辣舞。