梁烈唯結婚 群星到賀

踏入新一年,娛樂圈第一宗喜事,是藝人梁烈唯與相戀11年的女友Tina選擇於今天元旦日註冊結婚,兩口子在親朋好友的見証下,穿上婚紗禮服宣讀結婚誓詞,新娘子Tina開心得掩咀而笑,在一遍歡笑和甜蜜的氣氛下,一對新人正式結為夫婦。

張智霖、袁詠儀、應采兒、鄭希怡、黃伊汶、蔡一智夫婦、苗僑偉夫婦、陳國邦夫婦、胡定欣、黃日華、黃浩然、樂易玲、陳敏之等等群星到賀,并與梁烈唯和太太Tina一起開心拍大合照。

唯唯坦言正式簽字時,心情有點緊張,尤其是宣讀誓言一刻,他表示:「雖然我好似好冷靜,但在讀誓言時隻手不由自主係咁震,仲聽見有人大叫唔好震。(講誓詞有無喊?)冇,反而當我同太太進場時,真係好百感交雜,嗰刻湧現好多畫面,不過自己好快就平定番。」他又指太太並沒有感動落淚:「佢好叻,知道自己一講說話就會喊,所以留畀我講,直到佢見番一個好耐無見o既朋友,佢先忍唔住喊。其實見到全部愛鍚我哋o既人都在場,真係好感動,因為唔少人都是睇住我長大,好似三哥、三嫂、Chilam、華哥同獎門人(曾志偉)等。」唯唯又表示婚後會不設防,有晒做人計劃。

梁烈唯結婚 群星到賀

梁烈唯結婚 群星到賀

袁詠儀祝梁烈唯伉儷細水長流

袁詠儀(靚靚)見證了好友成家立屋的一刻,並在微博送上祝福,她表示新一年開始,見證了一對細水長流的情侶,踏入了人生另一個階段!作為好模範婆的靚靚更以過來人身份向唯唯分享夫妻相處之道,她說:「希望你們的婚姻生活,不需轟烈,更不需戲劇性,只要繼續細水長流的相愛下去!」

梁烈唯結婚 群星到賀

梁烈唯結婚 群星到賀