鍾嘉欣新仔赤柱拍拖斷正

壹週刊 第1108期

探熱針

拒林峯 棄奀星 鍾嘉欣新仔赤柱拍拖斷正

2011年06月02日

一直被無綫一班覓食小生吼住的鍾嘉欣,先後拒絕過花花公子林峯、姐仔屠夫吳卓羲的好意,潔身自愛。

形象清純的鍾嘉欣拍拖要秘密,五月十日佛誕當日,她被發現飛甩奀星緋聞男友伍允龍,與新仔到拍拖聖地赤柱開餐,點知被當場斷正,嚇到飯都唔食,速閃。
據知,這位貌似脹版雷頌德的鍾嘉欣新男友姓張,今年約三十歲,家境不俗,父母在沙田區持有市值二千萬物業,兩人在加拿大讀書時已認識,兩個月前才正式拍拖。

被記者影相,鍾嘉欣與男友即時擰歪面,迴避鏡頭。
被記者影相,鍾嘉欣與男友即時擰歪面,迴避鏡頭。

變裝掩飾

近期憑劇集《點解阿sir係阿sir》中一幕喊戲「哭震全城」,再度人氣急升,被視為今年「視后」熱門人馬的鍾嘉欣,亦剛剛開始一段新戀情;五月初,趁新劇《樂府藏龍》未開工期間,她便經常秘密約會新男友。 五月十日佛誕假期,傍晚六時半,刻意打扮低調,淡妝出動的鍾嘉欣,頭戴黑色cap帽、黑色粗框眼鏡,恤衫加埋個平民化黑色背囊,完全零星味,在街上亦難以認得她是無綫當家花旦。 搞到自己變晒樣,鍾嘉欣行事依然十分小心,當她離開將軍澳寓所,行去巴士總站內的私家車上落客區上男友車時,全程都保持高度警覺性,不時左望右望,臨上男友的Audi坐駕時,更三百六十度望勻四周有冇可疑人物先上車。

離開將軍澳寓所,臨上男友車前,鍾嘉欣警覺性極高四圍望,見唔覺有記者先上車
鬼鼠上車
離開將軍澳寓所,臨上男友車前,鍾嘉欣警覺性極高四圍望,見唔覺有記者先上車。

一發現記者影相,鍾嘉欣即刻走返上車,叫男友開車逃走
眼利嵋到
一發現記者影相,鍾嘉欣即刻走返上車,叫男友開車逃走

為了唔想男友出鏡,鍾嘉欣更幫手拉低太陽擋,以為咁樣記者就影唔到
幫手遮擋
為了唔想男友出鏡,鍾嘉欣更幫手拉低太陽擋,以為咁樣記者就影唔到。

同遊赤柱

沿途上,鍾嘉欣與男友不停傾偈,直至去到情侶拍拖勝地赤柱,他們駛入赤柱廣場停車場,更刻意將車泊到落最少車的最低一層,以為萬無一失,才一齊落車。但在準備行去餐廳時,眼尖的鍾嘉欣忽然發現有記者影相。 方寸大亂的鍾嘉欣即時向男友打個眼色,再極速返上車,而男友亦醒目開車急撇。其間他們多次加速及衝燈,企圖擺脫記者,中途記者落車影相,鍾嘉欣與男友即時黑面,擰歪迴避鏡頭,其間,鍾嘉欣一度幫男友拉下太陽擋,以為可以擋住鏡頭,見記者繼續影,鍾嘉欣才改變主意,「視后」上身,由原本Miss Cool樣變成笑臉迎人任影。 撇唔甩記者,鍾嘉欣於是叫男友在香港仔讓她落車,企圖引開記者注意,調虎離山。問她是否同男友拍拖撐枱腳?已度好答案的鍾嘉欣說:「唔係,係朋友咋!本來約咗食飯,不過而家唔食喇!」 飯都唔敢食的鍾嘉欣及男友最後分頭走,鍾嘉欣搭的士返回將軍澳寓所,至於她的男友就駕車返回位於港島西半山列堤頓道寓所。

壹週刊第1108期:鍾嘉欣新仔赤柱拍拖斷正
「視后」變臉
見記者繼續影相,鍾嘉欣唯有變臉,笑晒面向鏡頭,果然好戲。

壹週刊第1108期:鍾嘉欣新仔赤柱拍拖斷正
分頭閃

壹週刊第1108期:鍾嘉欣新仔赤柱拍拖斷正
記者撇極都唔甩,鍾嘉欣唯有先行落車,企圖引開記者注意,等男友先行離開,返回西半山寓所。

男友有家底

經了解,鍾嘉欣這位脹版雷頌德男友姓張,家境不俗,父母喜歡在沙田區買賣物業,投資多數賺錢,他本人則以Audi TT代步。 二人是在加拿大讀書時認識,今年初在香港重遇,男方才向女方展開熱烈追求,終於在兩個月前正式拍拖,今年四月,鍾嘉欣自爆生日收到異性送名錶,正是這位新男友所送。


伍允龍多年在娛樂圈中擔任奀星二打六。


近日有傳林峯怕潘霜霜事件再發生,所以傳SMS再撻鍾嘉欣。

飛甩奀星

與「脹版雷頌德」拍拖,可以說是機緣巧合,今年初,鍾嘉欣與發展地下情三年的伍允龍終於玩完。雖然過去幾年間,鍾嘉欣一直是TVB一班餓狼小生的目標,包括林峯、吳卓羲同黎諾懿都先後打她主意,但她卻攬實伍允龍唔放,直至同舊愛玩完,「脹版雷頌德」才有機會乘虛而入。 「公司(TVB)一直唔睇好嘉欣同伍允龍,覺得佢哋嘅距離太大,加上當年嘉欣拒絕林峯,搞到林公子好冇面,所以在公在私,樂小姐(樂易玲)都唔歡喜嘉欣同個奀星一齊太高調,驚對方拖低嘉欣形象。到佢哋三年感情轉淡,嘉欣又想再上位,要公司俾機會,聽話係必要條件之一,最後都決定同伍允龍分開!」鍾嘉欣身邊人說。


週二出席美容院活動,鍾嘉欣否認拍拖,強調只係普通朋友飯敍。


鍾嘉欣吸引唔少無綫小生,林峯同吳卓羲都先後想追她。


因為與伍允龍拍拖,令到無綫高層甚為不滿。


愛親自下廚的鍾嘉欣,經常親自到街市買餸,煲湯氹男友,更將湯相放上微博。

筍盤花旦

26歲的鍾嘉欣,拍拖往績較其他女藝人少,外表純過蒸餾水,一直是圈中男虎視眈眈「美食」,除了緋聞男友伍允龍,有傳林峯與吳卓羲曾為爭她而搞到兄弟不和。


外表清純,但身材澎湃的鍾嘉欣,是「高登」女星之外,更是不少小生心目中女神。


在《點解阿Sir係阿Sir》中哭震全城,鍾嘉欣即被捧為「視后」大熱。


伍允龍 07年,鍾嘉欣拍攝電影《十分愛》時,秘密搭上大茄伍允龍,二人更將合照放上blog晒恩愛。


林峯 與林峯拍攝《溏心風暴》演情侶,有傳二人假戲真做,林峯為追求鍾嘉欣,發動SMS攻勢,又做埋司機,用Benz接她收工。


吳卓羲 去年拍攝《點解阿Sir係阿Sir》時,傳出吳卓羲硬撬鍾嘉欣,二人被目擊在九龍城扒房撐枱腳,其間更攬腰、貼面玩自拍。

有仔揸手

形象乖乖女的鍾嘉欣,從未正式公開有男友,相反,跟她同期出道的花旦,如廖碧兒、陳法拉、胡杏兒、楊怡等,個個名花有主,落晒標籤。