九月李添勝三十集民初重頭劇(陳豪、張可頤、陳茵媺)

壹週刊 第1114期

重施故技

翻炒溝女橋 陳豪篤陳茵媺做女主角

2011年07月14日
陳茵媺自從同陳豪扯上關係,靠雙陳戀聲名大噪,廣告同商業活動做唔停,成為近期曝光率花旦之冠。

除了帶挈女友接 job賺錢外,陳豪還加碼「做嘢」,九月接拍無綫金牌監製李添勝三十集重頭劇,開聲要求添哥加入陳茵媺做女主角,助女友爭取機會兼拍住拖開工,翻炒當年溝廖碧兒手法!

拍劇拍拖

陳豪早前推掉無綫古裝劇《樂府藏龍》,當時他解釋是要籌備開咖啡店,一心不能二用的原因,其實是他與陳茵媺剛開始,為了專心冧女,就算激嬲監製,都在所不計。

停工三個月炮製新戀情,陳豪與陳茵媺感情漸穩定,被人撞破在屯門黃金海岸撐枱腳外,又經常公開打情罵俏,關係亦越來越地面化。

九月陳豪將會再開工拍劇,與無綫近幾年最把炮的監製李添勝合作,由於添哥之前兩部劇《巾幗梟雄》同《義海豪情》都贏晒收視同口碑,今次再開三十集民初劇,無綫亦會落重本。


同陳豪分手後,廖碧兒最近更與 TVB結束九年賓主關係。


同陳茵媺拍拖後,陳豪廣告一個接一個,所以他公開表示陳茵媺旺他。

揀女主角

明知是大製作,公司又重視,已經是無綫一哥的陳豪,當然有資格俾意見揀女主角。

「陳豪都好期待可以同添哥合作,早排添哥同佢傾古仔嘅時候,佢都好鍾意個劇本,話一定會度期拍,但佢有附帶要求,就係想茵媺做女主角,但添哥一早就落實咗搵張可頤,所以要安排陳茵媺做另一個同陳豪有感情戲嘅角色,當然戲份有咁上下。」一名有份參與新劇的幕後工作人員說。

有福同享,一向是陳豪的冧女看家本領。之前同廖碧兒拍拖,陳豪除了在演技及改善廣東話方面幫前度下過不少苦功,同時亦會親自「碌卡」,向相熟監製引薦女友。

「同廖碧兒拍拖初期,陳豪成日同啲監製提議搵廖碧兒做對手,好似《妙手仁心 3》同《心花放》,可以一邊拍拖一邊做嘢,又可以一齊搵位上,之後組情侶檔搵錢,橋唔怕舊,陳豪今次又用呢條橋冧陳茵媺,都開始見到成效!」陳豪身邊人說。


有報導指陳豪在去年九月與陳茵媺拍《心戰》時,已對她有好感。


陳豪在○四年分別與廖碧兒拍了《心花放》(圖)及《妙手仁心 3》兩部劇集。


在新戲中陳豪除了與陳茵媺有對手戲外,更與張可頤有不少感情戲。


添哥成為收視保證,最新劇集將安排陳豪與陳茵媺合演情侶。

緋聞炒起


突然上位的陳茵媺,在新劇《 ATF反恐》中擔正,戲份重過蒙嘉慧。

06年當選港姐後,陳茵媺一直徘徊二、三線之間,直至今年三月,被踢爆搭上「筍盤」陳豪後,即時聲價十倍,工作接踵而來。

男友帶挈,陳茵媺即深受廣告客戶歡迎,幾乎隔日就有騷做,曝光率高過一班當紮花旦,騷價亦由八千跳升至三萬,密密做,月入近百萬。

人氣急升,無綫亦吼準時機,安排她擔任新劇《 ATF反恐》、《荃加福祿壽探案》,套套劇擔正做女主角,又不時擔任各大小節目嘉賓,鋪排她做新一代一線花旦。