楊怡買新屋 羅仲謙鬼祟同居

壹週刊 第1161期

探熱針

楊怡買新屋 羅仲謙鬼祟同居

2012年06月07日

捲入劉公子裸照風波的羅仲謙,要擔心「閃咭」流出,另一方面又被無綫「照肺」,唯恐影響事業,心情欠佳,開工時亦悶悶不樂。

還好情場依然得意!三十三歲的楊怡,為了爭取同細自己五年的男友羅仲謙見多面,用六百一十七萬,買入將軍澳領峯一個千三呎單位做愛巢。 本刊發現羅仲謙經常鬼祟戴住口罩,自出自入楊怡香閨,原來,二人已經秘密同居半年。

阿媽讓路

楊怡買新屋 羅仲謙鬼祟同居
因捲入劉公子裸照案,羅仲謙與黃智雯開工期間,經常無厘神氣。

楊怡買新屋 羅仲謙鬼祟同居
羅仲謙入住初期,經常與楊怡的坐駕一同泊在大廈停車場內。

楊怡買新屋 羅仲謙鬼祟同居
瞓完一覺換埋衫的羅仲謙,在攞車途中全程講電話。

去年七月,羅仲謙同楊怡因為合作《On Call 36小時》撻着,二人火速發展,羅仲謙為了楊怡飛甩其他女友,收起花弗性格,修心養性做專一男友,而楊怡亦似着了魔般,對大波謙死心塌地。

在無綫捱了十年,已躍升到一線花旦位置的楊怡,搵錢自然比剛上位的羅仲謙多。去年十一月,楊怡以六百一十七萬購入將軍澳領峯千三呎單位入伙,見男友遠住大埔村屋,每日山長水遠返將軍澳電視城開工,加上二人不停有劇開,見面時間買少見少,為方便拍拖,楊怡於是提議男友搬到新屋一齊住,今年初,正式過同居生活。

據知,楊怡初買屋時曾打算與媽咪一齊住,但楊母為了方便她與男友過二人世界,決定繼續與大女楊娜同住將軍澳中心舊居。

出入小心

楊怡買新屋 羅仲謙鬼祟同居
前一晚羅仲謙泊好車後,步行十分鐘返回與楊怡同居的愛巢。

楊怡買新屋 羅仲謙鬼祟同居

日前,要下午二時返到電視城為劇集《巴不得媽媽》開工的羅仲謙,提早半個鐘便出門,戴住口罩遮冚面的他,從楊怡所住的第六座左翼L1樓層後門離開,臨行出大廈前,他小心翼翼周圍望,查察有否可疑人物在附近,十分警覺。之後,他花了近十分鐘,行到附近的爛地停車場攞車返電視城開工。

為免戀情太高調引起公司不滿,楊怡、羅仲謙盡量避開一齊出入,就算二人出街都前後腳,免得惹起鄰居留意。為方便出入,羅仲謙甚至持有屋苑住戶證,即使早前楊怡離港大半個月,他都繼續在單位內居住,當正自己屋企一樣。

同居初期,羅仲謙與楊怡同樣把坐駕泊在屋苑停車場內,後因楊怡新居位置曝光,加上羅仲謙因為劉公子裸照風波而成為新聞人物,不斷受傳媒盯住,為免再有負面新聞被公司詐型,他才將自己的車改停在附近停車場,寧願行十分鐘兼日曬雨淋去攞車。


有愛情滋潤的楊怡心情靚爆,見到有記者探班即主動揮手say hi。


成為新聞人物後,羅仲謙每次出現都被記者重重 包圍。

外母政策

拍拖接近一年,二人關係越來越親密,楊怡亦早已帶過羅仲謙返屋企讓阿媽過目,據知楊母對他印象相當不錯,而羅仲謙亦十分醒目,識得行外母政策。

「有時阿怡(楊怡)要開工唔得閒,謙仔會主動去車伯母,連阿怡家姐楊娜,謙仔都好照顧,所以伯母覺得呢個後生仔會孝順老人家,同埋對阿怡認真,所以都好贊成佢哋一齊。」楊怡身邊人說。

楊怡買新屋 羅仲謙鬼祟同居
去年因拍劇撻着,二人更一齊慶祝生日,場面溫馨。

楊怡買新屋 羅仲謙鬼祟同居
向來對女兒男友十分挑剔的楊媽媽,今次對羅仲謙印象良好。

楊怡買新屋 羅仲謙鬼祟同居
○九年,楊怡被發現與黎諾懿去睇樓,但最後羅仲謙成為新屋男主人。

心曠神怡?

楊怡用六百一十七萬買入的日出康城領峯高層單位,建築面積千三呎,屬於四房連雜物房大單位,外望翠綠大草原,表面睇落好似李嘉誠所講「心曠神怡」,但其實所對住的大草原是垃圾堆填區,間唔中就會發出陣陣臭氣。

楊怡買新屋 羅仲謙鬼祟同居
示範單位裝修奢華。

楊怡買新屋 羅仲謙鬼祟同居

楊怡買新屋 羅仲謙鬼祟同居

楊怡買新屋 羅仲謙鬼祟同居
一片綠油油,前身係垃圾堆填區。

楊怡買新屋 羅仲謙鬼祟同居


本文鏈接:楊怡買新屋 羅仲謙鬼祟同居

评论回复