彭三順效忠小格格 陳國邦耳塞湊女

壹週刊 第1184期

《大太監》收視高開,當中將黃浩然毒打,搞到胡定欣滑胎,把奸角「彭三順」演得入型入格的陳國邦率先跑出,成為今屆台慶頒獎禮男配角大熱人選。彭三順令網民睇到咬牙切齒,但一物治一物,未被李連英反擊,先被「小格格」愛女陳禛馴悍。愛女遺傳母親羅敏莊巨肺雄聲,怕嘈的阿邦為抗衡嘈音,寧戴耳塞上陣,都要親自貼身侍侯呢位「小格格」。

彭三順效忠小格格 陳國邦耳塞湊女
慈父相
過往鏡頭前後都係好 cool的陳國邦,當日手抱愛女陳禛,展露的冧爆笑容前所未見。

彭三順效忠小格格 陳國邦耳塞湊女
奸公公
使唔使咁冧呀!(設計對白)

湊女一腳踢

上月底榮升爹哋的陳國邦,對住「小格格」陳禛,餵奶、掃風、換片、沖奶樣樣皆能。鏡頭前飾演「彭三順」的他,一對豆豉眼滿藏心計,鏡頭後望住寶貝女陳禛卻柔情似水:「做男人咁耐,未試過錫一個女仔個嘴感覺咁軟綿綿,唯獨我個女先俾到我呢種感覺。」說罷望一望身後老婆羅敏莊傻笑一下,見愛妻無詐型,阿邦繼續沉醉湊女樂。
性格內斂的陳國邦,最怕環境嘈吵。結婚當日,他因一眾賓客上台又跳又唱的熱鬧場面嚇怕,一度失蹤半小時,老婆對此已經見怪不怪。然而「小格格」陳禛遺傳唱歌母親的巨肺,強如洪鐘的哭聲,陳國邦無反感之餘,即使頂唔住女兒哭聲逐步升 key,湊女公寧願戴住耳塞,亦堅持親為「格格」換尿片,效忠到底!

彭三順效忠小格格 陳國邦耳塞湊女
女兒起名叫陳禛,唔係想佢打得,而係望女兒照名字的含意:「以至誠感動神靈而得福祐。」

彭三順效忠小格格 陳國邦耳塞湊女
因愛女遺傳媽咪巨肺,喊聲雄壯,專責幫愛女沖涼同換片的阿邦,唯有每次要戴耳塞侍侯她。

冧到出口

陳禛誕生前,家養九隻貓的陳國邦夫婦,一直疊埋心水過二人世界,就算拍劇期間不停聽到老友黃浩然、曹永廉、陳錦鴻三個分享親子經,陳國邦亦不為所動,直至羅敏莊意外懷孕,才扭轉兩公婆心態。
「雖然一直只想過二人世界,但一知老婆有 咗,又好接受小生命來臨,發覺有小朋友都唔錯!黃浩然之前成日同我講:『望住 BB就好 冧!』當時仲好疑惑,係咪㗎?到睇住個女出世,望住佢我成個人軟晒,終於明白咩叫溶化。依家好似黃浩然話齋,望住個女就好 冧。」陳禛的魔力,就是把平日 cool爆的陳國邦,變成今日餵奶又笑,掃風又笑一餐的四萬爹哋。

彭三順效忠小格格 陳國邦耳塞湊女
抱住愛女狂咀的阿邦,話陳禛的小咀柔軟如綿,着晒迷。

彭三順效忠小格格 陳國邦耳塞湊女
15日捉實奶樽
出世第十五日,陳禛每次飲奶已懂得用手捉住奶樽。

彭三順效忠小格格 陳國邦耳塞湊女
放在廳中,價值萬二蚊的 BB木床,拆開組合長度可伸展至合適五歲小孩使用。老豆阿邦加個車轆,便成流動床仔。

彭三順效忠小格格 陳國邦耳塞湊女
陳禛出世後,家中飼養的九隻貓,不時輪流陪伴這位小主人。

彭三順效忠小格格 陳國邦耳塞湊女
坐月期,唔想肥樣出鏡的羅敏莊做指揮官,指揮老公湊女,半個月已將阿邦訓練成全能湊仔公。

化敵為友

彭三順效忠小格格 陳國邦耳塞湊女

在《大太監》中飾演的太監首領彭三順,一直視李連英為敵,處處跟他對着幹。因常欺凌弱小,令彭三順成為網民「公敵」,希望往後劇情能夠見到惡人有惡報。偏偏劇情峰迴路轉,原來做盡壞事的彭三順,無非想穩固在宮中地位,因倩蓉滑胎一事令他良知醒覺,之後更暗中幫李解圍,自此二人化敵為友,但最終彭三順仍要面對自己以前種下的惡果,被降職之餘,往後只能在宮中過着卑微的日子。

黑馬變大熱

陳國邦向來擅長演活小人物角色,故多年來均以黑馬姿態角逐台慶的「最佳男配角」獎項。今年終在天時地利人和配合下,「彭三順」一角在《大太監》中率先爆出,並以大熱身份跟《雷霆掃毒》的大反派黃智賢,及演活「蘇基」的古明華爭獎。
陳國邦說,身邊朋友讚女兒腳頭好,一出世爸爸有份演出的《大太監》收視高開 35點,陳國邦卻有自己一套睇法:「我唔客氣,我承認 喺呢個角色上,我係做得好好,係用心去做。至於有冇獎,我好隨緣! 喺我心目中,我都好想古明華攞獎。」

彭三順效忠小格格 陳國邦耳塞湊女

古明華
古明華

黃智賢
黃智賢