林盛斌 簡約太空艙

壹週刊 第1194期

沒有人喜歡自己的家滿布雜物,簡約的設計亦是大部分人對家居的基本要求,但簡約設計總離不開黑、白、灰三色,如何令單調沉悶、千篇一律的「簡約」變得不一樣?新城 DJ林盛斌位於旺角的家同樣以簡約為設計概念,但一堵弧形的牆身卻令整間屋變得不一樣,就連到他家中作客的朋友都說:「嘩!你呢度好似太空艙!」在旺角來一個太空漫遊,你試過未?

林盛斌 簡約太空艙
弧形牆令太空艙感覺更強烈,飛碟形天花燈購自旺角,米白色 Giormani布梳化約一萬元。

林盛斌 簡約太空艙

林盛斌 簡約太空艙
購自土瓜灣的玻璃餐 枱及餐椅共六千元, Pearl說餐 枱已經跟了他們五年,款式襟興之餘,又有紀念價值。

潮艙

正在播映的無綫劇集《老表,你好嘢!》,內容講述中港兩地人的矛盾而鬧出不少笑話,是近來的話題劇集,新城 DJ林盛斌( Bob)在劇中飾演導遊,當中不乏騎呢搞笑演出。雖然 Bob在幕前愛搞笑搞鬼,但他的家一點也不古靈精怪,反而以簡潔為主,「我同太太都想成件事簡簡單單,我哋鍾意簡約啲,雖然有朋友上嚟時見到屋內嘅射燈、米白色牆紙、弧形牆身等話好似一個太空艙,但我覺得又幾靚吖,舒服得嚟又潮潮哋,潮潮哋得嚟又實用。」
分隔着房間與客廳之間的牆身設計成弧形,是 Bob太太 Pearl的窩心主意,原來的間隔是主人房門與大女房門距離較遠,但與小女兒房間比較貼近,所以 Pearl便着師傅做了一堵弧形牆身,將三間房間門口拉平,主人房變了在兩間女兒房中間,「感覺上個家姐冇分咁開。」加上暗門設計,儼如一堵特色牆身。

林盛斌《老表,你好嘢!》
Bob在劇集《老表,你好嘢!》搞笑演出。


大門外掛了 Bob一家四口的卡通門牌。


飯廳櫃有間牆作用,櫃後是工人房。


大廈樓齡三十九年是舊式洋樓,實用面積達八成。


TVBuddy旁的粉紅晶有助人緣,下面的「九子連花」紫水晶,有助頭腦精晰。

筍盤

Bob搬進這個九百多呎的單位才一個多月,其實他之前是由同一座大廈的六百多呎單位搬上來,再之前亦是住在旺角女人街附近,雖然之前看過其他地區如窩打老道山、何文田、九龍城等的單位,但都唔啱心水,「有咁大又未必有呢個價、有呢個價錢又細好多,呢個單位我買嘅時候六百幾萬,而家已經七百幾,除番都係七千零蚊呎,裝修用咗八十萬,所以好實際。」而且他對旺角情有獨鍾,「因為有段時間太太喺尖沙咀返工,自己就返黃埔電台,大家都好近,而且我又成日周圍去做嘢,呢一區去邊度都快。講真,旺角區上面係私人樓,下面係私家停車場,旺角呢一區唔係太多,啲人成日話我呢幢大廈係樓王?。」
雖然住在旺角樓望樓,但原來從前 Bob的住所一定要有「景」,「我會專登搵西貢嗰啲有山有海,但之後發覺呢樣嘢對於我嚟講唔係太實際,因為我成日都會閂埋窗簾,咁要個景嚟有乜意思呢?因為多個景,個價要貴多百幾二百萬,而個景我又唔係成日 enjoy得到,好浪費,不如將啲錢放落去裝修又好、放落層樓個呎價又好,令到間屋大啲。」


Pearl現在是全職媽咪,所以需要個闊落的廚房,「以前經常犧牲廚房面積,令其他空間大啲。」


A廚房內的客廁門上亦擺有富貴竹等風水物。


B為工人而設的伸縮食飯 枱,屬慳位之作。

風水陣

Bob的兩個囡囡霏兒及熹兒分別四歲半及十五個月大,家中有小朋友,衫褲鞋襪玩具雜物自然多,所以他們也需要頗多的收納空間,隱藏式雜物櫃便是最佳選擇,「我哋除咗有間雜物房,都有唔少櫃,不過望上去唔會好礙眼,因為唔用玻璃櫃門,你見唔到入面放好多嘢,所以成間屋唔會覺得好亂、好立立雜雜。」
身兼 DJ、又拍劇、又做司儀的 Bob亦算是圈中人,太太學了風水半年,所以家中也有不少風水擺設,如飯廳擺放了白玉象、水晶、客廳射燈及富貴竹都有指定數量,「基本上風水唔使睇得太複雜,如果要幾萬蚊去整啲假山假水就好誇張,對我哋嚟講,風水係配合番你個環境,係用一個好 resonable嘅諗法去做一間屋,係環境學,都唔係迷信嘅。」


主人套房的大床、衣櫃都是訂造,油壓床下又是一個收納空間。


細女房主色是雪裡藍,拍照時熹兒正在睡午覺, Bob坐在她床邊整蠱做怪。


洗手間內的鏡子可收合,原來是 Pearl的主意,「我成日睇恐怖片,好驚洗完面抬起頭,見到鏡入面有另一個人,哈哈。」


大女房間以雪裡紅為主色,靠牆做了個多用途雜物架,用來放書本和擺設。

撰文:王健美
攝影:黃志明
插圖:劉志誠