壹週刊 第1209期

三女被姦 一男遭雞姦

《金枝貳》死得慘烈，而前一檔有視帝黎耀祥及金牌監製李添勝一對收視拍檔聯手的《神探高倫布》，同樣仆直，收視一星期低過一星期，上週收視平均只有廿二點，但由於已去到結局週，無藥可救。

同樣的組合，正拍攝新劇《巾幗梟雄之諜血長天》，為免重蹈覆轍，李添勝要將劇本大量改動，在《神探》得到最多劣評的馬賽娃娃，原本在《巾三》是第二女主角，戲分僅次於胡杏兒，如今因為表現差及欠缺觀眾緣，要大量刪減其戲份，以免再佗衰家。

《巾幗梟雄3》都有唔少重口味情節，包括：

1.胡杏兒被輪姦；
2.陳自瑤被強姦；
3.馬賽被強姦；
4.黎耀祥被雞姦(童年)；

嘩，「滿眼都係姦姦姦姦姦……雖然日本侵華的確係好多中國婦女受虐，但有冇需要拍埋出來，就真係要參詳吓。

「套劇（《巾幗三》）已經拍咗接近三分二，但添哥見到《神探》死得咁緊要，於是將最後十集戲大改特改，變番做啲穩陣嘢，同埋原本套戲有好多強姦重口味場面，胡杏兒同陳自謠都有被姦，可能都要再修改，馬賽嗰場被姦戲就直頭冇咗；至於黎耀祥嗰場童年被雞姦戲，就仲諗緊要唔要。」一幕後工作人員說。

原本《巾幗三》大有機會成為今年台慶劇，但因為黃金組合收視被打破，無綫變陣，勢在難免。

目前拍攝的《巾幗三》，戲中黎耀祥同胡杏兒都有大量重口味場面。

上星期日（ 5/5）《神》劇最後一個宣傳活動，一班主角同監製李添勝都無厘神氣，黎耀祥更指觀眾誤會咗部劇係懷舊搞笑片，其實係科幻片至真。

馬賽娃娃在《神》劇由頭帶到尾，戲份仲多過黎耀祥，可惜演技差，又滿口鄉音，觀眾睇到嗌腰斬。

以為是女主角原來是女配角的唐詩詠，是被人鬧得最少一個，雖然有幕大露背場面，但都救唔到收視。