千語BB冇車牌 照冧峯峯買超跑

噚日林峯同「吳七愛」千語BB旋風式返港，喺香港機場仲表演「世紀一拖」，峯峯真係好愛(X7次)BB呀!

佢哋此行係去峯峯胞弟林逸洺喺美國南加州大學嘅畢業禮，之前佢哋喺當地現身，已經有網友影咗相喺微博瘋傳，今日更有報道影到佢哋當日坐喺前排鬼咁煙韌，一時就BB送吻，峯峯扮Cute自拍，期間見到峯峯無名指上有鑽戒，唔通真係已註冊結婚？兩個人又嘴張開眾目睽睽下咀嘴，峯峯又不時用手背輕撫BB塊面，就算同隔離阿媽傾偈，隻手都係拖實BB，真係眼都冤埋。

壹週刊 第1211期：吳千語啜招吸幹林峯

（左圖）（《壹週刊》圖片）清楚見到峯峯無名指止有鑽戒。

之後畢業禮未完，峯峯就帶BB先行離開去食飯，同枱有食七、八個人，但千語BB旁若無人依偎喺峯峯膊頭上面，更用手掩住男友個咀，峯峯仲反眼氹到BB鬼咁開心，期間清楚見到BB食指右手有隻求婚鑽戒。

千語BB自從同峯峯拍拖之後，豈止係一登龍門升價十倍，佢以前出騷價得$5,000，依家$60,000鐵價不二，而且峯峯水頭充足，之前兩人去米蘭已傳出BB去Hermes一掃就幾個包包，埋單成百萬，噚日佢出機場手挽一個白色Kelly Bag都差不多成10萬，足以證明峯峯為咗BB幾咁捨得使錢!

報道又話千語BB雖然冇車牌，但就一樣要峯峯出錢買價值300幾萬嘅Aston Martin DB9做代步工具，仲要以千語爸爸個名做登記，據知峯峯對BB呢個要求都有啲頭痛，所以都有同朋友呻吓，不過依家兩個人情到濃時，相信峯峯都唔會托BB手肘囉！

兩個人情到濃時，親暱行為真係旁若無人。 （《壹週刊》圖片）