壹週刊 第1222期

因十七張全裸相在網上瘋傳，焗住返港報警求助的《向西》女張暖雅，日前在家中接受本刊獨家訪問，驚爆已將連裸照共幾千張相的 hard disk交了給警方調查，她更聲稱來港發展初期，曾被前經理人要求剝光豬驗真胸。講到裸照事件會影響做導演的老公胡耀輝（Mark）時，她情緒崩潰，泣不成聲。

完約裸照通天

張暖雅強調，對前經理人 Peter簽她到香港拍戲很感恩。「我從來冇做過對佢唔住嘅事，啱啱簽佢嗰陣對佢好信任。我喺香港冇朋友，未有屋住，只係住酒店，有日佢嚟酒店探我，我要換衫出街，佢同我講好多女星嘅胸都係唧出嚟，又話唔知我係咪真材實料，叫我喺佢面前換衫；佢話大家自己人，我所有嘅事佢一定要清楚晒，所以我就喺佢面前除衫。」

提到裸照事件會影響到老公阿 Mark時，張暖雅激動落淚。

張暖雅表示，有坦白跟老公提起過此事。「阿Mark好嬲，佢話邊度嘅娛樂圈都冇人可以咁樣做，之後Peter將我接番嚟嘅 job俾其他藝人做，佢根本唔鍾意我，所以我先決定解約。」與輝皇娛樂今年七月三十日正式完約那天，一批張暖雅的裸照隨即在網上瘋傳。

張暖雅解釋於○九年在攝影師朋友操刀下，在上海家中睡房影下這輯裸照全為青春留倩影。

拍《一路向西》時，導演阿 Mark與張暖雅已經結了婚。

5/8
一直在內地忙於工作的 Mark，星期一下午陪同張暖雅到九龍城警署為裸照事件報警求助。

張暖雅指曾被前經理人 Peter（右）要求她剝衫驗真胸。

幾千張相交警方

裸照曝光幾日後，八月五日早上，張暖雅匆匆從內地返港，下午親往九龍城警署為自己的私密照被公開一事報警求助，並交出一隻連裸照共有幾千張相的硬碟予警方調查。
張暖雅一直堅稱那批裸照只得她跟前經理人 Peter擁有，裸照在網上流傳，她實在震驚。
「我報警係希望警方幫我查出真相，嗰批相係○九年，一位攝影師好朋友喺我上海家中睡房幫我影；另外仲有一次，我同一班女朋友喺以前男朋友做經理嘅酒店入面一間房影，兩輯裸照都係私人收藏。簽咗 Peter後，佢問過我有冇吸毒、做小姐或者同男仔拍床上慾照，嗰時我好信佢，坦白同佢講冇同男仔一齊影，只拍過裸照留念，之後佢要求保管嗰啲相。我從來冇諗過呢啲相會公開咁出現，我拍戲走性感路線，但唔代表我係蕩婦。」

張暖雅自與 Peter解約後，在內地工作不斷，報完案要即返家中執行李趕回內地工作。

《喜愛夜蒲 2》

張暖雅曾參與《喜愛夜蒲2》及《一路向西》演出，她飾演都是以性感掛帥的角色。《一路向西》

提起老公崩潰

提到與電影《一路向西》導演阿 Mark的婚姻，一直強忍淚水的張暖雅終於崩潰。
「上年五月我同 Mark結婚，即使外面嘅人唔鍾意我，但 Mark好了解我係乜嘢人，我好想努力證明阿 Mark冇娶錯我，點知就發生裸照事件，阿 Mark已經捱到冇得瞓，前幾日喺上海又屙又嘔更要為我勞心（哭不成聲），佢叫我唔使擔心，話會同我一齊面對。我張暖雅從來冇扮嘢話自己有幾清純，我一直都係跟住自己性格走，但我都係大學生，絕對冇做過小姐，即使阿 Mark成日叫我唔使做，但我唔想做懶蟲。發生呢件事我都冇辦法，但點都唔會離開娛樂圈，我唔想俾人睇死。」

經理人：好心痛

在位於港島區的家中，張暖雅坦言曾拍過兩輯裸照留念。

張暖雅與經理人 Peter的關係一度緊張，最終解約收場。裸照事件後，雙方曾互相指責，對於張暖雅指合作期間的不快經驗， Peter在電話回覆說：「依家唔方便講，交俾律師就律師，警察就警察，我哋由頭到尾都好保護佢，成件事由開始到依家都係好錫佢，一句說話：好心痛囉。」

好惹火

張暖雅打着「D Cup張馨予」旗號來港加入影圈，除了身材吸睛，入行短短年多，已是非不絕，非常「惹火」。

整容疑雲
被網民踢爆整容，由眼細鼻扁平胸變成現在的樣子，更將加工前後對比照廣傳。

胸戰單打
宣傳電影《一路向西》期間，胸戰敗陣的 Jeana（何佩瑜）揶揄對方面長，張暖雅即反擊叫 Jeana介紹整容醫生。

辣埋王晶女
張暖雅指責同周秀娜前男友爆出床戰的 Vivian搏出位，被 Vivian好友包括王晶女兒王子涵圍剿，張反擊不認識誰是王子涵。

視頻：[url=http://www.56.com/u13/v_OTQ5NDYwMTg.html/1030_xl-17553442.html]裸照有兩輯 張暖雅哭訴 經理人叫剝清驗胸[/url]