壹週刊 第1223期
今年四月奪金獎像「最佳女配角」後， DaDa陳靜的知名度幾級跳。上週四（ 8月 8日）她跳過經理人施念慈，自行在微博宣布患情緒病退出娛樂圈；唔夠兩日，又突然「復出」，秘密為彭浩翔執導的《曼珠莎華》開工補戲，但對被她一鑊蹺起，錢國偉執導的《喜愛夜蒲 3》依然好少理。 DaDa如此把炮，除了有彭浩翔背後教路，杜汶澤出面代為講數外，亦同拍戲黐到澳門娛樂猛人有關；據了解，已有五千萬揸手的她，近日已搬住月租三萬五千蚊的新居。
杜汶澤插手
因為 DaDa罷拍，令《喜愛夜蒲3》損失超過二百萬，至今仍未搵到女主角補位的監製伍健雄，已打算循法律途徑追究。
週一晚（八月十二日）七點，一直跟 DaDa失去聯絡的施念慈，親身到電影公司道歉，記者上前問她是否已和律師商量好有關 DaDa違約問題？她說：「未！（ DaDa識咗個有錢男友？）暫時真係冇嘢可以講。」
施念慈代 DaDa謝罪，但當事人只肯與在背後發功的彭浩翔保持聯繫，合作無間的杜汶澤更加金牌經理人上身，插手事件。
「杜汶澤搵過監製（伍健雄）講數，話 DaDa唔鍾意拍《夜蒲3》，要人哋放 DaDa走。都唔明點解佢咁多事！ DaDa本來由十一號開工，拍到十六號，每場戲要四十萬左右，而家已經唔見咗二百萬。」劇組人員說。
呢頭話情緒病要退出，轉頭就揀 job復工。上週六（十日），「抑鬱」 DaDa戴住口罩鬼祟去幫彭浩翔補戲，大細超「復出」辣?好多人。
近日秘密搬到新竇後， DaDa早前同朋友開餐都揀就腳的奧海城。
補完戲為擺脫記者，她返回月租三萬五的新竇奧海城。（《蘋果日報》圖片）
DaDa眼見早前《喜愛夜蒲3》試鏡中，導彈 Barbie同識氹監製伍健雄（右三）的蕭美卡搶盡風頭，怕受威脅，翌日她即向導演玩手段施壓。
本週一（十二日）晚，要幫 DaDa頂罪的經理人施念慈，到電影公司向監製伍健雄請罪。
未經洗腦的 DaDa，就算攞咗今年金像獎最佳女配角後亦未敢封胸，接拍道地飲品時仍倒奶上陣。
杜汶澤跟投資《低俗喜劇》的澳門老闆周焯華 friend爆，而他在「 DaDa退出幕前」事件中，更插手幫 DaDa向電影公司講數。
微博宣布退出合作《低俗喜劇》後， DaDa視杜汶澤及彭浩翔為恩師，對二人言聽計從。
停一年洗底
成為金像獎女配角後， DaDa對彭浩翔便言聽計從，今次玩嘢搞到一鑊泡，就隨時連累同門兩個師妹蕭美卡（ Mika）及 Celia K（郭穎兒）被飛，經理人施念慈亦大有可能要賠錢補鑊。
「彭浩翔話 DaDa要升呢去另一個層次，教佢停工一年洗底，之後會度身訂造個角色俾佢擔正復出，所以冇必要再拍《夜蒲 3》呢類戲，就算之前 Celia（施念慈）想佢帶師妹一齊出活動， DaDa都驚益咗人，一係推 job一係 no show，搞到個經理人成日幫佢補鑊。
「其實 DaDa咁把炮，係佢拍《低俗喜劇》後黐咗個富貴老闆，對方俾咗幾千萬佢揸手，佢仲同朋友講會再買樓，不過暫時未有心水，所以暫時用三萬五千蚊租住奧海城，遲啲會飛去日本度假；佢而家大把錢揸手，點玩都得啦。」知情者說。
怕 36F Barbie搶鏡， DaDa要求對方開鏡當日靠邊站，不過有樣有身材的 Barbie依然風頭勁。
《喜愛夜蒲3》開鏡當日， DaDa明藐??模出身師妹蕭美卡（左一）一直只跟雨僑傾偈，蕭亦全程面燶。
幫彭浩翔補戲，卻罷拍錢國偉電影，錢日前在微博鬧爆。
剷走對手
??模出身的 DaDa，專向富二代埋手，跟霍啟山、新鴻基郭氏三代 Atom郭以及麻雀館太子爺 Anthony石均曾傳過緋聞。朋友圈子非富則貴，對身邊同級??模一向藐爆，《夜蒲 3》開鏡前， DaDa出盡辦法剷走有威脅的 36F寸嘴 Barbie同師妹蕭美卡，講明唔俾二人去開鏡拜神。
「但導演反對， DaDa照打橫嚟，堅持做攔路虎，又下令 Barbie當日絕不可以著得太出位，影相時要企埋一邊，總之乜都要以佢為主。」劇組工作人員說。
其實錢國偉是第一個用 DaDa做女角的導演，她跟前度王宗堯在戲中更有大膽床戲。
深信跟住彭浩翔可以升呢， DaDa在《飛虎出征》首映，便有機同影后周迅合照。
失控
現年 24歲，出道三年，被稱百果園 E神的 DaDa陳靜，單方面在微博宣稱自己得情緒病要息影後，一星期內的行徑反覆，失晒控。
7/8性感開鏡
《喜愛夜蒲 3》在中環舉行開鏡儀式， DaDa興高采烈聲稱要為新戲減肥激戰韓男，又大讚對方有六嚿腹肌。
8/8突然病發
開鏡後第二日， DaDa忽然在微博留言：「生活好累，人言可畏。壓力，痛苦，總是一起來。」指自己情緒受困擾，要過平凡人生活，要息影！但連經理人事前也毫不知情。
9/8息影失場
單方面宣布息影的 DaDa，完全無視經理人施念慈事前已為她接下的活動，一於 no show。
10/8蒙面開工
息影兩日後，又突然選擇性開工，瞞着經理人為彭浩翔執導的《曼珠莎華》補戲，離開時戴着口罩，要求記者予她空間。
11/8知衰喊
有消息指 DaDa致電公司找同事哭訴自知做錯，卻堅持不與經理人接觸。
猛料周焯華
39歲周焯華為澳門江湖猛人，當年為崩牙駒門生，更有「洗米華」稱號。
傳聞周焯華當年在「回力」賭場靠做「扒仔」（即借錢畀賭客）起家，之後更開埋網上博彩而搵到第一桶金。生意其後愈做愈大，現在是上市公司太陽世紀集團及太陽國際資源的主席，並掌控了太陽金業及太陽財務，更擁有 14個賭廳。近年涉足娛樂及體育事業，是太陽娛樂老闆及本地甲組球隊太陽飛馬班主。