壹週刊 第1223期

余文樂、周柏豪兩兄弟多年來黐蒲黐玩兼同隊鬥波，最近卻忽然決裂。有傳一向鍾意食快餐的周柏豪，貪就手搭上了橫洲工業隊友細妹，並「食」完即棄，結果辣㷫視球隊如命根的余文樂，導致二人反目。

決裂四個月

周柏豪滾自己隊友親妹一事，在橫洲工業內無人不知，身為隊長的余文樂嬲到爆，更曾在隊友前鬧爆飢不擇食的周柏豪「不知所謂」。
「三、四月嗰排見佢哋兩個嚟練波，都仲攬頭攬頸，但之後隊友都陸續收到風，知道發生乜事。」其中一員說。
據知，余文樂今次嬲到要同周柏豪反面，主要是不滿對方連自己人的細妹都打主意，仲要搞掂就鬆人，完全不顧道義。
「其實樂仔同柏豪都好多女埋身，唔少隊友啲親戚表妹都好冧佢哋，如果柏豪係正式溝人個妹都冇事，但食完即棄，咁就好離譜囉！樂仔身為隊長，自己兄弟搞啲咁嘢，唔嬲就假嘅！如果唔係啲隊員?住，樂仔打咗佢啦，大家都鬧柏豪，叫佢搵食行遠啲！」

拍廣告期間，樂仔與柏豪要擺 cool到爆甫士，完全切合二人心情。
周柏豪與連詩雅到潮洲出席活動，也不參與自己籃球隊的邀請賽。

余文樂在上週六的賽事中，帶領橫洲工業隊贏波。

今年五月，二人與隊友為運動飲品拍廣告，但全程冇交流。

樂仔作為隊長，贏波後與隊友離開球場醫肚慶功。

在西環食消夜期間，樂仔與隊友有講有笑。

避得就避

兩人已經無 friend做，但余文樂同周柏豪始終是球隊關鍵人物，是搵贊助、為球隊宣傳的生招牌，即使大家都不值周柏豪所為，但為了球隊利益，唯有按兵不動；但自此之後，不論練波或比賽，隊友都盡量留神，避免二人一言不合大打出手，令家醜外揚。
擘面事件雖然被壓下，但以往余文樂周柏豪孖住上的情況已不復再。近月周柏豪更經常以工作為理由，缺席賽事；除了月前上海賽事不見人，上週六（八月十日），余文樂領軍的「橫洲工業籃球邀請賽」對決香港「星」，他亦一樣不在陣。
余文樂與郭富城、張智霖、沈嘉偉等人老友鬼鬼，樂仔曾將周柏豪帶進這群自己友圈子中。

郭富城曾到橫洲工業比賽時現身為樂仔及周柏豪打氣。

曾幾何時，兩人 friend到同遊泰國。

周柏豪與連詩雅出席麥當勞宣傳活動，睇兩人的合拍程度還以為係情侶關係。

犯眾憎知衰

兄弟反目，早兩個月與隊友拍飲品廣告時，二人已經冇偈傾面左左；當時已傳周柏豪對樂仔跟與自己傳緋聞的 Kary拍拖感不滿，到六月底更傳出樂仔嫌棄女友唔省鏡速撇 Kary，導致兩人嫌隙漸深。
「貪就手」惹禍的周柏豪，為息事寧人，早前被問到關於余文樂上載抱 B相坐司機位一事，亦語帶雙關：「疏忽係意外，因為就算做錯一件事都會變到好大件事。」

余文樂曾經對周柏豪很關顧，經常約他出席自己友聚會，可惜二人最終擘面收場。

以前樂仔同柏豪經常有影皆雙與波友聚頭，家陣二人有嫌隙，聚頭次數驟減。

余文樂上月帶軍到上海作賽，周柏豪一樣冇影。

周柏豪一直緋聞多多，與何超盈的關係曾經曖昧，最後卻被踢出局。

有傳柏豪早在前度緋聞女友 Kary被樂仔飛起後，已對樂仔心存不滿。

追隊友妹妹同樂仔反面？周柏豪：無稽

周柏豪今日接受商台訪問時就回應話：「覺得啲新聞好無聊、無稽，唔係事實我唔想回應太多。」對於樂仔缺席賽事，柏豪就解釋：「我哋有時因工作撞期出席唔到，亦有話我冇出席上海同香港兩場，其實係因合約問題不能出席。我哋有溝通，如果邊個隊友當日唔得閒會講。」

周柏豪亦都緋聞不絕，最近更被傳吳千語冧佢，佢就否認話：「我同阿峯（林峯）同千語係朋友，同阿峯新年會互send message。」而柏豪今日喺Instagram貼上腫面照，原來佢拍戲時不慎失平衡墮地撞傷，佢話:「幸好是最後一個鏡頭，幸好只是臉頰不是眼睛，也幸好肉沒有爆開，這一記一百八十度凌空失平衡臉落地，姿勢分得1.5，但音效卻有9.3，還把到了現場支持的媽嚇壞了，大家早晨，我是麵包超人，睡了兩個小時又要工作了」