壹週刊 第1223期

《衝上雲霄2》贏口碑、贏收視，帶挈劇中主角人氣急升，一班綠葉亦受惠。入行七年的孫慧雪（阿雪），於劇中飾演空姐，晚晚孖住香香（岑麗香）同藍莓（劉俐）行行企企，過鏡率奇高。
早前阿雪谷盡「D奶」突襲《衝2》宣傳活動，成功搶鏡；廣告、登台即時搵上門。為 keep住狀態，阿雪最近迷上「瘦身唔瘦胸」的空中瑜伽（ Aerial Yoga），保住兩球，食盡佢！

集集有份

已經三十一歲的孫慧雪，在無綫工作量一向唔多，經常被派做「閒角」，今次有機會參演重頭劇，雖然角色無名無姓，但勝在過鏡率高，集集有份。
著住空姐制服包到冚的阿雪，原來深藏不露。早前出席《衝2》記者會，著上加細碼 tube dress，「 D奶」逼爆，令大家大開眼界。
「條裙係公司俾我著，因為嗰日係套劇第一次做宣傳，所以大家都著晚裝，條裙係細咗一個碼，坐低嗰陣，直情窄到抖唔到氣，不過著得我好瘦！」阿雪一臉滿意。

近年 hit爆的空中瑜伽，深受一眾女藝人歡迎，連李嘉欣最近亦迷上。

倒吊動作，對阿雪完全無難度。

阿雪在導師指導下做拉筋動作熱身，穿上運動型背心的她，「事業線」深不可測。

凌空做拱橋，連導師都大讚阿雪柔軟度高。

為陶傑露背

三吋「事業線」見光，事業亦稍露曙光，廣告、電影，開始播。
「啱啱有份拍陶傑做導演部電影《愛·沉·迷》，入面有一場戲要露背演出，又接咗一個美容中心廣告，而家開始做緊啲 treatment，再 keep靚啲先埋位拍，下個月仲會去登台同埋接咗幾個唱歌 show；價錢方面都有增加，所以要趁住呢個機會做多啲。」

在《衝 2》中，阿雪幾乎晚晚有份過鏡，更不時跟 Chilam有對手戲。

在《衝 2》的宣傳活動中，阿雪穿上加細碼晚裝谷胸上陣，搶盡風頭。

阿雪在劇集《大太監》中跟梁烈唯有一場情慾床戲。

巨胸變寒背

天賦 D胸，有好有唔好，阿雪發現自己開始出現輕微寒背，加上想儘快搣走身上肥肉，只要無工開，她便會到健身中心玩空中瑜伽。
「我聽朋友講話做 yoga可以幫助矯正筋骨，又可以通淋巴去水腫，令身體線條會更靚；我玩咗一排，好似真係瘦咗啲！」
在導師 Agnes的指導下，阿雪做出連串拉筋動作，拱橋擘腿毫無困難，穿上運動背心的她一??低身，唧出「 D奶」，非常養眼。玩了一陣，阿雪已經全身濕要換衫，之後增加難度，做出凌空倒吊，天賦「巨胸」，更加一覽無遺。

做足七年閒人

畢業於香港城市大學語文系的孫慧雪，讀書期間任兼職模特兒，之後入讀無綫藝員訓練班，並簽約成為旗下藝人。入行七年的她做過「世界妹」及在節目《美女廚房》中擔任「粥粉麵飯」的「阿飯」； 10年，陳志雲與錢國偉等人涉貪，有傳阿雪亦有份助查。先後參演過超過 100套電視劇，但全部是過目即忘的閒角，直至近年才有機會在《 On Call 36小時》及《東西宮略》等劇，獲安排演出戲份較多的護士或婢女角色。