合作拍戲的林峯同吳千語,二人結緣於《男人如衣服》,之後再於黃百鳴監製的《 3D詭嬰》碰頭,片中二人即使沒有感情戲,但有次林峯與徐子珊拍水中激嘴戲,不用開工的吳千語毫無忌諱,現身監場,搞到一直傳同徐子珊有曖昧的林峯,除了埋位,全程規行矩步,唔敢作怪!
保持距離
吳千語在《 3D詭嬰》無機會與林峯假戲真談情,更要眼白白望住男友,跟黃百鳴旗下「天馬電影」力捧的內地演員盛君卿卿我我,身為正印的她,早已打翻醋埕,知道徐子珊與林峯有場水中激嘴戲,千語 BB更加不放心,即使不用開工,一樣以探班為名,現身踩場。
據當日在場的劇組人員透露,一向跟徐子珊玩得埋的林峯見千語到場,立刻一改常態,除了落水埋位,其他時間,堅持同對方保持距離,免得惹女友誤會。
索唔索?(設計對白)
乖啦!望住我!(設計對白)
嘴啖先!(設計對白)
林峯在《詭嬰》中無得同 BB做情侶,反而跟同佢傳過吓緋聞的盛君扮夫妻。
機不可失
吳千語之所以如此緊張,有指合作《詭嬰》時二人的關係仍在開始階段,加上傳出林峯對在戲中飾演他老婆、擁有一頭長髮兼身形高?的盛君大獻殷勤,為免到口肥肉被搶,吳千語不敢怠慢,出手勒住仍未揸定主意的林峯。
「林峯對吳千語同盛君都好好,佢同盛君做夫妻,對手戲較多,大家都見到佢對盛君好細心?,對住子珊就更加啦,千語見林峯對個個女仔都咁好,當然唔敢吊高嚟賣,同子珊拍嘴戲嗰日,千語根本冇通告,但都照嚟現場。」劇組人員透露。
戲中跟盛君扮演夫婦,有 BB在心的林峯擺明唔敢太親熱。
BB拍這部戲時跟林峯剛撻着,就算淡妝上鏡依然有光采。
盛君備受力捧,在戲中除扮憔悴大肚婆外,亦有靚女造型。
喜愛小朋友的林峯,在戲中有不少抱 BB鏡頭,他自言拍得十分開心。
林峯在戲中糾纏於三女當中,雖然跟老拍檔徐子珊認識最耐,但在片場卻甚少交談。
好易中
緋聞多多的無綫花旦中,以佘詩曼「姣佘」稱冠,後起之秀有徐子珊;拍劇例與合作對手暗撻,搞到班小生正印眼火爆,眼見眼中釘,攞正牌同男友親熱,吳千語豈能坐視不理。
黃宗澤
去年跟黃宗澤合作《雷霆掃毒》,傳出徐子珊與對方一撻即着,搵食唔行遠啲,令黃宗澤正印胡杏兒無晒面,成為二人七年情玩完的導火線之一。
吳卓羲
吳卓羲本已被內地女友張馨予箝住,愛爭嘢的徐子珊卻貪就手,與「唱 K」拍《法證先鋒 3》嘴戲勁 NG,又狂 send短訊,搞到正印張馨予忍唔住,在微博以「香腸姐姐」暗插膶腸嘴徐子珊。
黎明
05年當選港姐不久,徐子珊憑住十足的電力,獲天王黎明欽點拍電訊廣告而傳出緋聞,身價上升。有傳黎明更送一架 Mini Cooper給她,但二人戀情只維持一年。
千語歪面賴箍牙
吳千語昨在海港城出席活動,問有否與男友林峯慶祝奪華鼎獎視帝?她謂未有時間:「有恭喜,戥佢開心。」早前林峯被拍得在千語BB家過夜,她解釋當晚是男友送她回家,有互到對方家過夜?她說:「私人問題唔答。」千語BB歪面更見嚴重,她指歪面是戴透明牙箍所致:「左邊多咗隻牙,用年幾時間箍,影響面形同胃口,最近睇醫生調理,想肥啲。」箍牙令接吻不便?她尷尬說不是常戴牙箍。
此外,林峯昨和徐子珊在紅磡為電影《詭嬰》宣傳,有指二人拍攝《詭嬰》一幕水中咀嘴戲,吳千語緊張監場,林峯說:「我同子珊水入面kiss拍咗好長時間,佢點會喺到,儍o架咩!」
吳千語歪面情況嚴重咗,佢解釋係因為戴透明牙箍所致。