樂易玲貼身監督 肥苟一路減一路哭

壹週刊 第1232期

今年初開始發脹的苟芸慧,大半年內由 130磅暴升至 170磅,宅男女神慘變「肥苟」。感情、事業、身材三失,有指肥苟因此患上情緒病,經常失控狂喊。為盡快除去污名,肥苟主動送上門,減價?撈做纖體公司代言人。據悉超磅崩潰的她,更曾一路做機減肥一路喊。

夜上美容院講價

早前苟芸慧現身新加坡一個電視頒獎典禮,膨脹身材將束腰晚裝幾乎逼爆,更嚇走纖體廣告商拒絕續約,改由劉心悠頂上。見自己身材直逼欣宜,肥苟於是藥石亂投,除中西減肥藥雙管齊下,又試食某直銷產品的減肥新配方,加埋學打泰拳,希望盡快搣甩身上肥膏。

超磅崩潰 肥苟一路減一路喊
月初,暴肥的苟芸慧「掙」爆晚裝現身新加坡攞新人獎。女神搞成咁,令外界嘩然。

距離十一月花旦爭妍鬥麗的台慶夜尚有一個月時間,「肥苟」唔想再嘥時間,上星期主動搵吳君如、劉嘉玲幫襯的纖體公司 Zeta Clinic敲門求救。為避過客人耳目,本月初肥苟帶埋無綫高層樂易玲,晚上十點待客人走得七七八八才殺上纖體公司傾約。當時戴住眼鏡的肥苟刻意將 cap帽拉低,急步入房試機兼講價。

超磅崩潰 肥苟一路減一路喊
12/10上美容院急救欲急除「肥苟」污名的苟芸慧,除搏命打泰拳減磅,還頻上美容院做機,但觀其巨臀同粗腿,似乎有排減。
超磅崩潰 肥苟一路減一路喊
現正放大假全力減肥的她,心情低落到唔願換衫,打扮跟前兩晚出動的一樣。又發現她節食急減磅,只買三粒麵包當一餐。
超磅崩潰 肥苟一路減一路喊
十月初,苟芸慧帶埋高層樂易玲夜上銅鑼灣一間纖體公司求救。傾了個多小時才離開,之後她跳出樂易玲座駕,由司機載走。
超磅崩潰 肥苟一路減一路喊

高層拒讓步

據了解,肥苟為求有纖體公司肯幫佢極速減肥,代言人價錢絕對有數講,但樂易玲卻持相反意見,竟向纖體公司開價 70萬簽約一年,對方後來還價五十萬,肥苟手指更加拗出唔拗入,幫埋口叫樂小姐「收順啲」。

「苟姑娘一向好慳家,肥到咁都唔捨得攞錢去美容院減肥,寧願搵人敲門,表明代言身價唔需要高,總之日日安排到佢上纖體公司搏命做機減肥就得。點知樂小姐嫌價太低怕做 cheap苟姑娘,嗰晚雙方價錢傾唔埋,苟芸慧都唔開心,因為已經係佢第二次同纖體公司傾約失敗。」上週一(十月七日),放大假全力減肥的苟芸慧連打扮都冇心機,除換了帽,全身打扮跟現身纖體公司的衣著一模一樣,當日肥苟只買了三個迷你麵包當飯食便回家。

超磅崩潰 肥苟一路減一路喊
做完機,苟芸慧去七仔都只係買雜誌唔買嘢食。暴肥令她失去自信,故無論買嘢抑或行街等車,她全程耷低頭,不願被途人認出。
超磅崩潰 肥苟一路減一路喊

情緒失控狂喊

年初仍然一副索樣的苟芸慧,被傳介入城城同熊黛林戀情。不過當「城嫂」幾個月,就被強國妹葉熙棋奪位。

體重失控,肥苟情緒病亦同時爆煲,近日經常失控狂喊。「總之一提個肥字,佢情緒就好激動,一路減一路喊!其實佢之前亂食減肥藥、去水丸,食埋食埋搞到有副作用,失眠兼荷爾蒙失調,情緒更加低落。加上佢自尊心重,無咗羅天宇又 mark唔住城城,感情兩頭唔到岸,事業又俾香香爬過頭,幾重打擊,你話點頂。」知情者續說。

雖然傾唔成做代言人,但纖體公司願意免費俾苟姑娘間唔中上公司做機,上週六(十月十二日)下午,肥苟由寓所出發到纖體公司減肥,全程頭耷耷無心機的她,完成 treatment便急急打的返家。混身是肉,肥苟寧願自閉都唔想見人。

壓力脹

超磅崩潰 肥苟一路減一路喊
4月
發脹初期,一身水腫的她條腰還勉強保留些少弧形。


8月
與梁烈唯到台灣拍微電影,她的膨脹身形將空姐制服逼爆。


去年底
最索期,骨肉均勻,因此登上宅男女神寶座。


6月
麒麟臂,水桶腰。女神地位已難保。