多手加魔鏡 江若琳豹紋底M巾

香港國際機場地面太光滑有走光風險都俾人鬧爆,貿發局卻竟然大整蠱,本週一佢哋搞嘅香港?華麗秀,竟然在布景板下加多塊魔鏡,令到一眾模特兒、女星簽名時蝕「底」走光,輕則露出大髀罅,重則底褲都俾人睇埋,當中以江若琳最慘情,被照「底」鏡反映出豹紋底兼疑似花邊衞生巾,難怪她得悉噩耗時即驚呼:「咁大鑊?」

壹週刊 第1245期:多手加魔鏡 江若琳豹紋底 M巾瀨嘢

盡快忘露底

近年鍾意打扮性感的江若琳,每次去活動都小心翼翼防走光。本週一她 deep V晒事業線、短裙仔去撐貿發局的時裝騷,出場時都無失守,直至行埋布景板簽名,就俾布景框邊一塊鏡反照到裙內春光,豹紋 under及疑似花邊衞生巾清晰可見,知道出事後,江若琳坦言她的心情極受影響,「我平時著裙都好小心,已經唔會行近扶手電梯或樓梯邊,有時真係避無可避。」而她的公司亦代回覆說:「有時工作走光在所難免,會小心盡量避免,過咗去就算。」

鍾意睇時裝騷的前亞姐陳綺明,今年亦同埋班朋友去看騷,慘變其中一個受害者,自言對衣著一向謹慎的她大呼不能接受:「我條裙唔係好迷你,有時會驚大風吹起,但條裙幾貼幾窄,無諗過咁都會出事, until今日有朋友話俾我知,我都真係幾嚇親,心情到依家都未平伏,心都離一離,成朝都有啲唔開心。」


無論是正面,或是轉身簽名,江若琳都因企得太埋布景板,慘被鋼鏡照出裙底豹紋內褲和一片疑似衞生巾的物體。

出事後翌日,鏡面已用紅膠條封住。

鬧爆設計差

被人「翻底」的她,亦致電公關公司了解情況,「在我立場,想了解吓件事,設計上好有問題,報紙成日有講攞手機兜底都屬於不良行為,呢個 set up好奇怪,無理由擺鏡,係幾難接受的錯誤,依家唔知邊個係設計師,設計完係唔係應該有人去審視一吓?除非你話俾人聽嗰度有塊鏡,如果我哋係知,咁又唔同喎!我哋唔知情,下面係無可能有鏡咁好笑,呢個係 common sense。」

嚟睇騷變被鏡擺上枱做騷的前亞姐陳綺明,不幸露出灰底。
嚟睇騷變被鏡擺上枱做騷的前亞姐陳綺明,不幸露出灰底。

Jessica C.師妹 Helena Chan見自己上報以為好嘢,得知走光便大呼:「 Oh my God!」

周美欣幸保不失,只係露咗大髀罅。

露底模特兒談善言著泡泡裙,轉身時揭動了裙襬,令圓碌碌的屁股和白底盡現人前。

露罅李玟條裙貼身到現晒形,行埋魔鏡時無走光但搞到面容扭曲。

若琳耿耿於懷:好大傷害

江若琳今晚出席灣仔會展舉行的時裝騷,Elanne重臨日前走光出事現場,佢身穿前短後長嘅裙子出席,嗰塊「蠱惑的鏡」已經封咗,問到重臨出事現場有乜感覺?會唔會留下陰影?Elanne嘆氣話:「一早封咗就好,邊個有咁好頭腦諗出嚟(指該鏡),真係好叻﹗」

Elanne直言好唔開心,仲為此事耿耿於懷,佢話:「不嬲都好小心,感覺好似坐港鐵比人影裙底,嗰啲可以報警拉佢,但嗰日唔得啦﹗」

問到今日都着到咁短出席活動,佢就話:「打左孖底,本來想着冬天棉褲添﹗」有冇投訴?佢話:「交咗畀公司處理,希望有交代,畢竟對女性好大傷害。」

有冇喊?佢話:「嗰日好唔開心,同晚隻狗過咗身,雙重打擊,件事蓋過呢件事(指走光),喊咗幾日幾夜。」

問到有冇因為克服唔到而缺席今晚活動,Elanne話:「唔知喺呢度搞。(有冇驚?)任何情況做足安全措施,有時啲衫好貼身,都打唔到底,着唔到平腳褲,需要着T-back。」