前夫拒供養子女 葉蘊儀喪做搵錢

退出娛樂圈多年的葉蘊儀,四十一歲復出,在師奶劇《 M Club》飾演「肥菜」一角,比起同劇的李若彤、李麗珍,打 Botox變硬膠面,葉蘊儀就算肥,但唔打 Botox都冇乜皺紋,稱不上「美魔女」,也可以做「肥魔女」。

其實過去十年,失婚葉蘊儀生活殊不輕鬆,嫁錯偷食老公陳柏浩,又被拖欠贍養費,被迫身兼多職搏命賺錢,獨力養大一對仔女,就算再逢第二春,可惜未能開花結果,唯有放棄感情生活,專心搵錢養家。

壹週刊 第1261期:前夫拒供養子女 葉蘊儀喪做搵錢
近年除了要照顧一對仔女,又要進修藝術課程,所以幾年沒有再拍拖。

前夫爆性事

四十一歲的葉蘊儀,大仔已經十八歲,細女也十五歲。九九年發現老公陳柏浩偷食,○一年兩人終於正式離婚,離婚後,陳柏浩沒有依從協商給葉蘊儀贍養費,搞到要在法庭上解決,人財兩失的葉蘊儀,更慘被前夫公開爆閨房性史,最後她決定獨力撫養一對仔女。
變成單親媽咪,當時曾志偉亦有對葉蘊儀伸出援手,鋪路幫她復出接戲,可惜也只能在戲中飾演大配角,接戲機會不多,收入極有限。為賺錢供養一對仔女,做過時裝店文職等工作,不過收入始終掹掹緊。
「嗰段日子 Gloria(葉蘊儀)真係為咗錢乜都肯做,幕前幕後乜嘢崗位都冇所謂,好彩佢有一技之長,對紙黏土同陶瓷都有研究,後來兼職教人造紙黏土,教教吓發覺原來呢方面收入最多,於是瞓身全職去做,只係間唔中拍吓戲當賺外快。」葉蘊儀身邊人說。


葉蘊儀與一班熟女拍埋,雖然身材輸蝕,但勝在塊面沒有後期添加。

葉蘊儀與朋友合資開設黏土陶瓷教室,她每日都會返去打點,又會做一些物件出售。


○二年葉蘊儀與前夫因為贍養費,雙方鬧上法庭。


細女今年已經十五歲,葉蘊儀表示一定會供他們完成大學課程。

唯一香港代表


當年葉蘊儀離婚,曾志偉出面幫她搵律師,又幫她鋪路復出,今次再拍電視劇《女人俱樂部》,葉蘊儀都是因為志偉關係。

靠一技之長殺出一條生路。葉蘊儀自強不息,○七年在香港藝術學院取得文憑,去年更在澳洲墨爾本理工大學完成純藝術碩士課程,她的作品最近亦有份入選第八屆拉古納國際藝術獎,而且已經進入最後三十強,也是唯一香港代表。
葉蘊儀靠自己勞力和毅力搵到第一桶金。一二年,她與幾個朋友在尖沙咀開了一間藝術教室,親自做老師收學生,又出售作品賺錢。
為了一對仔女,葉蘊儀更犧牲自己,完全放棄追求愛情。
「 Gloria離婚之後仲有好多人追,曾經同過做文員嘅阿 Paul拍拖,之後又同過髮型師 Daniel一齊幾年,最後都因為要照顧對仔女,又要做嘢賺錢,放喺感情嘅時間心機好少,佢付出少,自然冇結果,慢慢再冇寄望,連自己嘅身形都散晒。」葉蘊儀身邊人說。

慳錢生活

雖然收入已經穩定,但要做好準備,供一對仔女完成大學課程,葉蘊儀自己相當慳!上星期四(五月一日)公眾假期,葉蘊儀單拖到九龍塘又一城 shopping,目標都是價錢大眾化的 Giordano同 H&M,但也只在 H&M有郁手,所買的衫和裙,價錢都不超過二百元。
星期日(四日),葉蘊儀做完《 M Club》宣傳,隨即趕回學校上堂。十幾年來獨力孭起一對仔女的重擔,葉蘊儀承認自己為了搵錢,身兼多職。
「主要收入係呢間學校,仲會兼職設計啲帽同做公仔。(前夫有冇俾錢養過對仔女?)可唔可以唔講細路?(仲有冇同前夫聯絡?)如果有關於細路嘅嘢,先會同佢聯絡。(同佢唔係朋友?)唔……小朋友個爸爸囉。」葉蘊儀說。

葉蘊儀
上星期四去 shopping,葉蘊儀專攻 H&M平價闊身裙,揀親每件都平過二百元。
葉蘊儀
葉蘊儀
離婚後,葉蘊儀拍過兩次拖,分別是做文職的阿 Paul,以及髮型師 Daniel。

紅得早

今日的「肥菜」,想當年也曾經靚過。葉蘊儀 15歲被星探發掘入行,拍過維他奶、麥當勞等大廣告,之後在電影《孔雀王子》中飾演阿修羅迅速在港台日韓走紅,推出個人專輯,更曾獲日本頒發「最受歡迎外國女星」。
95年退出娛樂圈,下嫁玩具富商陳柏浩,翌年誕下兒子陳紹臻,在葉蘊儀懷有第二胎時卻傳出老公有外遇, 00年二人正式離婚,前夫拒付贍養費,葉蘊儀要獨力撫養一對子女。

因為《孔雀王》令到葉蘊儀紅到去日本。
因為《孔雀王》令到葉蘊儀紅到去日本。
葉蘊儀
當年身材均勻,走可愛清純路線,迷倒各地少男。

以前拍親都係大星,唔係劉華就係成龍。

獨力「苦」養

嫁入豪門做少奶當然好,一旦泊錯碼頭,留下手尾,甚至孭起供養子女包袱,隨時捱一世。

羅霖
96年下嫁富商劉坤銘,育有三子,多年來受盡委屈的羅霖 12年決心離婚,二人為贍養費及撫養權對簿公堂,最終羅霖一蚊都拎唔到,兩個大仔跟爸爸,細仔跟媽咪,經濟能力有限的羅霖為搵錢,頻頻接 job,搏到盡。

「模媽」 Mia
16歲奉子成婚,誕下一子一女,可惜婚姻維持了三年玩完,為了一對子女, Mia闖入模界,瞓身賣肉出寫真。

薛家燕
育有三名子女的薛家燕, 95年丈夫被揭發有外遇後一走了之,家中失去經濟支柱,其後薛家燕單方面申請離婚,並復出拍劇、登台、主持電台節目,瓣瓣都撈。

黎瑞恩
嫁入豪門十一年,冇嘢揸手,老公曾智明長留廣州溫柔鄉,忍無可忍的黎瑞恩帶住一對仔女,搬出大宅;去年 11月,小恩子開了兩場慈善演唱會試水溫,為復出鋪路。

评论回复