《巾幗梟雄三》太重口味 雞姦強姦貫穿全劇 播放無期

黎耀祥與胡杏兒合作的新劇《巾幗梟雄之諜血長天》,早於去年中已經拍完,按原有計劃,這個「視帝×視后」的重頭劇是今年十月台慶劇,但由於劇情太重口味,為免踩線惹投訴,無綫高層早前下令重新剪輯,將原本三十集cut成十五集。

落重手!但不少雞姦強姦場面仍不斷穿插,勉強剪走又無法拼湊,加上在該劇飾演純情前清格格的馬賽又流出轟動全城艷舞片;左秤右秤,把心一橫抽起,播放無期。

太重口味 《巾幗三》雞姦強姦 播放無期
胎死腹中 第三輯《巾幗梟雄之諜血長天》

剪無可剪

要接手由有鄧萃雯「開大頭」的《巾幗梟雄》系列,變成壓力煲的胡杏兒在劇中還要多次被強姦,令情緒波動到一觸即發。視后交功課,做奸角要強姦人的蕭正楠同樣是苦差;演員辛苦經營,但原定為今年十月台慶劇的《巾幗三》,因為有太多強姦雞姦情節,無綫決定抽起,放入雪櫃。
「本來三十集嘅,因為太重口味太多強姦場面,公司怕觀眾頂唔順,去年中劇集殺青就已經叫做後期嘅重新剪過,剪剩十五集,準備嚟緊十月台慶月出街,點知剪完又發生馬賽艷舞事件,佢喺劇中做前清格格,個角色好純情,跳艷舞令佢形象再次插水,如果勉強剪走佢嗰部分,套劇就會更加散同好短。雪上加霜,點都度唔掂,咪索性抽起唔播囉。」一名無綫人說。

谷收視搶話題,無綫不再獨沽一味師奶劇,無論古裝時裝民初,鹽花、血腥、暴力基本有齊,孭住《巾幗》系列旗號,第三輯的《諜血長天》更加將「落重鹽」當成落重料,連男主角黎耀祥都有強姦甚至雞姦演出。
「拍嘅時候大家都好擔心,劇中嘅強姦雞姦場面唔係一兩次,基本上係穿插成個故事,好過火!班演員都覺得好怪,拍到咁大膽,一般家庭觀眾真係未必接受到!不過劇本係咁,都要照住拍,唯有落場嗰吓再避重就輕。」


《巾幗三》講述民初抗戰,黎耀祥要一人分飾兩角,在戲內除了強姦人外,又會被雞姦,與飾演間諜的胡杏兒亦有大量親熱戲,認真重口味!

這場戲是講黎耀祥攬着胡杏兒,卻產生幻覺將胡當成妻子楊娜,關係錯綜複雜。

在劇內飾演奸角的蕭正楠,原來在劇內亦有強姦戲,人人有份,永不落空。
《巾幗3》編審葉廣蔭正透過勞資審裁處向無綫追稿費。
《巾幗三》編審葉廣蔭正透過勞資審裁處向無綫追稿費。

禍不單行


飾演前清格格的馬賽,在劇內純如清泉水,可惜早前流出她的艷舞片,純情不再,喊都無用。

將鹽花當收視還魂丹,令《巾幗三》剪無可剪!曾經是《巾幗》系列編審,無綫前資深編審葉廣蔭,正透過勞資審裁處向舊主追稿費。
「葉廣蔭除咗追稿費,仲喺庭上大爆在職時俾女上司出言性騷擾同侮辱,佢已經去咗平機會投訴。」知情者說。
一波未平一波又起,《巾幗梟雄之諜血長天》內憂外患,無綫決定以靜制動,將今年的台慶劇放入雪櫃,諗諗先!

倉底貨

無綫產量多,亦儲落不少倉底貨!黃金時間出唔到街,唯有變陣先在海外或收費電視劇集台播。世事難料,過去亦有些倉底劇雪上雪,幾年後重見天日,竟然大受歡迎。

2011年 11月播
09年拍攝,雪了兩年才解凍、戚其義監製的《天與地》大玩破格創新,以「人食人」為主線題材外,又嘗試探討人性的陰暗面,連道德、倫理等問題都有涉及,情節贏盡口碑,可惜收視極低。

2014年 3月播
11年拍完,《叛逃》等足三年才重出生天,劇集以反恐為題材,陳展鵬、吳卓羲、陳茵媺、蒙嘉慧演員配搭算有新意,因為擺埋幾年,劇中出現的手機款變舊,但收視依然 OK。