敖嘉年食極唔肥變「排骨」

敖嘉年呢排忙緊拍《巾幗》續集，上一輯佢做「必文」奸到出汁，但今次做番個大好人，頭六集佔幾重戲份，可想而知監製李添勝幾咁錫佢。嘉年話上次添哥叫佢配合角色增肥，點知食極都肥唔到，所以今次都放棄咗，仲索性改佢個名叫「排骨」，佢話可能因打開功夫先肥唔到。

敖嘉年 做好綠葉

敖嘉年入行10年，一直不缺演出機會，但卻要等到去年憑《巾幗梟雄》獲得「飛躍進步男藝員」獎。等了10年才熬出頭來，嘉年不覺獎項來得太遲，反而對他來說是一件好事。

「牡丹雖好，也要綠葉扶持」，然而，有誰甘心永遠做綠葉？嘉年自問也想做主角，但他絕對「知碇」，要做主角，先做好他的綠葉，一步步打好基礎。撰文：霍淇　　攝影：TungStar

得獎後，嘉年承認工作量的確有遞增，但心態卻沒特別轉變，仍是努力認真地工作。
問到入行10年才拿到這個「飛躍」獎，會否覺得太遲？嘉年毫不猶疑地說：「我又冇覺得遲，起碼叫做喺我生命裏面有個獎。好彩咋，如果早幾年畀我攞，可能我會諗：『得喇』，之後就會有多啲個人嘅諗法；o依家先至攞，我會覺得仲可以再好啲，始終年紀大，個人踏實啲！」

縱然如此，10年鬱鬱不得志的日子裏，嘉年也曾有眼紅別人的一刻。「後生時好急，有時會諗係咪我唔適合做呢行？會問自己點解人哋遲過我入行，但已經去到一線？」幸而最後嘉年看通想通了，才不至於中途退出。

相信自己未得

問到嘉年想做一塊稱職的綠葉還是主角？他認真地想了想說：「心，一定想做主角，唔會有人成世都想做綠葉，但問心，我未係時候，就算你o依家畀我做我都驚驚哋，你能唔能夠承擔一套戲？人哋會唔會憑你敖嘉年呢一個名就睇你套劇？我相信我未得！」

嘉年直言在《巾幗梟雄之義海豪情》中演的唐吉，是他向來夢寐以求的卑微角色，且看上次憑奸仔殺出重圍的嘉年，今次又能否殺出另一片新天地！