同學仔馬路狂奔

關詠荷嚇呆捉實乖女

最近操到六嚿腹肌兼有完美人魚線嘅張家輝hit爆，連林盛斌（Bob）都要搽黑皮膚扮佢搞gag，點知家輝話老婆關詠荷睇完冇feel，梗係啦，48歲嘅關詠荷自己亦keep得唔錯，最重要係佢o依家全副心神放喺個女Brittany度，希望個女成材嘛。

廿四孝媽咪管接送

日前下晝兩點幾，關詠荷同囡囡Brittany離開跑馬地逸廬屋企，由司機揸車送兩母女去銅鑼灣某商業大廈。落車後，關詠荷幫囡囡攞埋書包仔，親自送佢去上英語拼音班，之後關詠荷就返屋企休息，大約3點幾再出動去接放學，果然係廿四孝媽咪。

過馬路時，關詠荷緊緊捉住囡囡隻手，萬二分小心，當佢哋行到去安全島時，由於馬路中心車多塵多，Brittany好醒目咁用手掩鼻免吸廢氣，真係叻女。其間有位喺對面馬路嘅同學仔，佢一見到Brittany即刻跑過嚟熱情打招呼，嚇到關詠荷呆咗，大叫佢小心啲，好彩當時馬路冇車咋，之後關詠荷就同囡囡上車返屋企喇。

■目擊同學仔喺馬路奔跑，關詠荷大喝小心，Brittany就嚇到用手遮口！

■為防個女四圍跑，關詠荷全程不離身。

■Brittany見同學仔冇事先笑番，關詠荷就嚇到面青咁滯。

■關詠荷早前着住同一件衫同家人出街，睇嚟係「湊女戰衣」喎。
資料圖片

家輝驚變萬能key　
肥奕迅都爆肌

都是大隻張家輝惹的禍！今個夏天，相信大家唔止有o靚模睇咁簡單，亦會出現好多大隻仔，因為身邊男士隨時密密健身，以八嚿腹肌迎接盛夏！

張家輝呢張朱古力大隻圖，亦成為萬能key，除咗林盛斌(Bob)倒模一個晒腩肉版，網民亦瘋狂改圖，將Bob同家輝調轉，又將陳奕迅同碧咸key上張家輝個身，不過網民最想key邊個？就係高登女神—————魯芬BB！邊位網民抵諗啲幫手Key咗佢？

哇~成排朱古力~

張家輝，男士們依家睇你頭喇！

碧咸本身都大隻，但肯定冇咁大隻！

阿Bob？？？網民幫Bob瘦埋面，唔話得啦！

肥奕迅，你恨到啦！

立立洪卓立今日話想變大隻，我哋幫你整個preview圖先！