周麗淇、黃宗澤絕緣俠侶

周麗淇(Niki)的名字除與盛女掛鈎,由早前劇集《女警愛作戰》到近日《好心作怪》都令人聯想起女警,同樣帶着爽朗俠女性格演繹,拍住與緋聞掛鈎的黃宗澤(Bosco)演情侶,劇內有不少浪漫情景,但私下全不過電。劇外二人嚴如兄弟,每逢提起緋聞,Niki即維護拍檔,義氣當頭解圍,Bosco樂意受寵變小男人。

撰文:卓寶花

黃宗澤近日在無綫劇《好心作怪》中一人飾演兩個角色,分別演前期醫生哥哥及後期優柔寡斷的弟弟,圍繞與周麗淇發展感情線,提到優柔寡斷是否人生態度?Bosco緊張的說:「我做嘢好有目標?!只係角色今日唔知聽日事,最緊要享受人生啫。」而近期在電視螢光幕接連看到Niki做女警,男仔頭粗魯性格深刻,但亦有剛柔並重一面。今次二人同聲透露劇中有不少激咀場面,Niki笑說:「呢個唔係重點,但真係我拍劇以嚟咀得最多一次。」

周麗淇、黃宗澤絕緣俠侶
■黃宗澤與周麗淇外形合襯,可惜尚欠一點點火花。
攝影:陳慧安

二人開工時正值Bosco甩拖,碰上單身Niki,還以為二人有機會過電,豈料他們指難以撻着,Niki坦言未驚過:「開工時兩個都單身,當時已經有人話我哋會傳緋聞,最終只係好流咁傳,攞啲劇照嚟傳。」面對經常緋聞纏身的Bosco,Niki即搶答:「你哋問我就最好,同佢拍檔第二次,有啲嘢佢都好難控制,大家傳啫,太抬舉佢,何來有咁多女呢?我同佢就唔驚啦,只係傾得埋嗰種。」Bosco見拍檔努力為自己解畫後才表態:「係好朋友、好兄弟!」Niki即反駁:「兄弟好男仔頭,係好朋友。」Bosco抵死說:「你都有少少?。」

周麗淇、黃宗澤絕緣俠侶
■黃宗澤目前以工作為先,感情事隨緣。

周麗淇、黃宗澤絕緣俠侶
■新劇《好心作怪》中,黃宗澤與周麗淇扮演歡喜冤家。劇照

周麗淇、黃宗澤絕緣俠侶
■(左起)苗僑偉、萬綺雯、周麗淇及黃宗澤合作,充滿新鮮感。
資料圖片

周麗淇、黃宗澤絕緣俠侶
■向來被視為福將的周麗淇,新劇反應不錯。

難忘水中激咀

Niki指Bosco是繼與謝天華合作後最好的對手,期間二人在寒天下合作了一場水底咀戲,是今次劇中最難忘經歷,Niki說:「場戲雖然好浪漫,但我唔識游水,細個時又浸親過,本來打算用替身,但去到拍時大家就勸我自己嚟,然後Bosco又話有救生員牌,嗰刻我就相信佢,將自己交咗畀佢。」Niki只能像樹熊般捉實Bosco,令Bosco大呼:「幾攰,拍幾粒鐘,要孭住一個人,扶佢之餘我仲要綁鉛令自己沉落水底,真係筋疲力盡,大家都浸到皺晒皮。」Niki近年亦轉戰到內地搵人仔,與無綫保持一年一劇,被Bosco取笑半退休狀態,十足十苗僑偉般鍾意做先做。

服裝提供:MMM/DEMIN of I.T(周麗淇)
髮型:Coren Cheung of Hair

周麗淇、黃宗澤絕緣俠侶
■周麗淇與黃宗澤合作良久,連甫士都見默契。

後記:精人出口

訪問期間,Niki開朗健談,猶如開籠雀一樣,連平日口花花的Bosco都招架不來,當Niki一輪咀後,Bosco會說:「佢好識表達自己?。」相反到Niki被問緋聞問到打爛沙盤問到篤時,她會說:「我傳來傳去都係得一個。」Bosco不幫口,還笑笑口說:「佢咁叻答嘢,使乜我幫,我驚我越講越錯得多。」呢啲咪精人出口,笨人出手囉。