是非港姐頻攬有錢仔 許亦妮撬唐貝詩男友

【第 39屆港姐之仔如輪轉】是非準港姐、有大口江若琳之稱的 3號許亦妮( Whitney),不停被網友爆舊料,攬仔相一張接一張的流出,最近一張是與唐貝詩緋聞男友孔樂勤親密自拍照,有人又爆她愛與有錢仔拍拖,曾與健身院太子爺訂婚。昨日 15位候選佳麗在沙田睇龍舟,許亦妮雖然是非纏身,表現仍然淡定,多番強調自己不貪慕虛榮。

十五位候選佳麗昨日出席在沙田城門河舉行的「沙田辛卯年龍舟競渡」,現場抽出 10號李天縱( Lena)為 TVB龍舟隊擔任鼓手,參加「中龍混合邀請賽決賽」,結果得到第六名。 Lena賽前表示有點緊張,但最喜歡見到肌肉男,她說:「但係我男友唔係呢類型,我同佢拍拖 4年,佢好支持我參選,今次都係佢提名我。」

3號許亦妮與唐貝詩緋聞男友孔樂勤親暱自拍。

3號許亦妮與唐貝詩緋聞男友孔樂勤親暱自拍。

昨日 15位準港姐精神奕奕參與龍舟大賽應節。

昨日 15位準港姐精神奕奕參與龍舟大賽應節。

10號李天縱為 TVB龍舟隊擔任鼓手,事後她表示十分緊張。

10號李天縱為 TVB龍舟隊擔任鼓手,事後她表示十分緊張。

「禮貌上要影」

「大口江若琳」 3號許亦妮對所有負面新聞,都保持笑容否認。

「大口江若琳」 3號許亦妮對所有負面新聞,都保持笑容否認。

3號「大口江若琳」許亦妮( Whitney)是非浪接浪,近日有網友上載一張她跟唐貝詩緋聞男友孔樂勤的親暱自拍照上網,照片中 Whitney身穿橙色 tube top,身材遠不及現時豐滿,被懷疑動過手腳,她更頭貼頭地靠近孔樂勤玩自拍,開心得幾乎想伸脷。 Whitney做足準備作回應說:「朋友話影相,我禮貌上需要影,如果太親密我會阻止。」
昨另有讀者向本報爆料,聲稱是 Whitney青梅竹馬朋友,指她出生於觀塘的草根家庭,母親是菲律賓人,又指 Whitney生性自卑,很想入娛樂圈,有傳她與好友 Janice Man結伴去變臉,又指 Whitney愛蒲又愛與有錢仔拍散拖,其中曾與健身院太子爺「肥哥」拍拖,肥哥曾送鑽戒與 Whitney訂婚,但最終沒有結婚,因她狂踩肥哥樣貌外形,且並非一二線富豪或名人之後,故只能玩玩不會認真。
至於有消息指 Whitney識高層,又是內定冠軍,獲特別優待,她說:「我冇男友識高層,同埋我家冇拍拖,嗰個男仔( Elson)分咗手年幾,呢個傳言自己睇到都莫名其妙。」 Whitney堅信前男友不會爆料,她說:「我唔會懷疑佢,以前嘅相應該係以前放喺 Facebook嗰啲。」不停被網友指貪慕虛榮、愛識有錢仔, Whitney說:「唔覺得自己係,我想講我係一個好平凡嘅女仔,喺一個好簡單家庭出生囉!冇誇口話自己係有錢,我覺得愛情同識朋友係緣分。」

讚 JM專一

唐貝詩與孔樂勤曾傳緋聞。資料圖片

唐貝詩與孔樂勤曾傳緋聞。資料圖片

Whitney直認跟 Janice Man是好朋友, JM被本報拍得與劉浩龍約會,加上男友李冠峰及李治廷,涉嫌一腳踏三船, Whitney說:「佢係一個好專一嘅人,據我所知佢係一個好好女仔,唔會做呢啲嘢!」