羅蘭、高海寧同吳卓羲今日喺海洋公園出席「哈囉喂全日祭」，高Ling收起性感，以白髮魔女造型示人，不過今日有「龍婆」羅蘭坐鎮，好玩得嘅羅蘭姐出場時載歌載舞，但跳跳下竟然甩褲，露出肉色打底褲，不過佢處變不驚，慢慢將褲頭拉起，繼續完成整個舞步。
事後羅蘭姐話：「好彩有條長褲打底，因為條褲好重。」今年仲有間主題鬼屋，羅蘭姐會聲演嚇人，佢話：「今年好巴閉有間古董店，之後都會帶班老友記來，不過有人話驚唔敢去。」
同場嘅吳卓羲話曾經同跟一大班朋友去哈囉喂，有男有女，不過就否認會借機媾女或抽水，佢話：「我自己都驚，唔會乘人之危喇！帶女仔嚟梗係唔夠膽，怕見到記者。」本月2日生日的他表示希望自己和家人身體健康，問到有否女仔主動埋身示愛？他笑說：「冇呀，依家日日都同田蕊妮開緊工，佢同郭晉安唔向我示愛就冇㗎喇！（成家立室？）盡力啦，一得閒就搵，但我日日喺TVB開工。」
羅蘭姐雖然係教徒，但百無禁忌又玩得。
跳跳下甩褲添!
繼續跳
慢慢先休返
「鬼」咁開心
「鬼」咁靚仔/女
高ling收起性感，結果俾羅蘭姐搶鏡。