第5集 – 反整蠱大計再度實行
播出日期: 2013.05.18 (六)

鍾嘉欣成功反整蠱魔術師後，今集《玩嘢王》繼續出擊！先重玩20年前的情節，要藝人向街上途人借錢，成功後有飾演警察的演員出現查問，藝員會怎樣解釋？他們最後又能否得悉自己反而是被玩弄的一個？

TVB藝員訓練班的導師演技卓越出眾，但兩位導師即將在教授演技的課堂中上演一齣「玩嘢大龍鳳」，藝訓班的新丁又會否因而看得目瞪口呆？

傳聞TVB將會拍攝以武術為題的電影，李思捷與目標人物一行五人到大嶼山學習少林功夫，眾人又能否通過加入「玩嘢成份」的功夫及體能訓練？

本集嘉賓：鄭丹瑞、蘇玉華、陳智燊等

又童子功又鵪鶉拳 玩爆陳智燊

以後見到思捷，真係要運路走呀！

《玩嘢王》今集玩嘢對象有陳智燊（Jason），笑就唔算好好笑，但Jason被「虐待」嘅表情好可憐又無奈，搞到班網民大讚佢可愛！

咁思捷就聯同田啟文，鍾澍佳等人，加上陳志偉、陳國峰、翟威廉等人，呃Jason話要拍套少林功夫片，首先又嚇佢要剃頭，之後為咗成件事似層層，就去咗大澳間少林武術文化中心特訓。

陳志偉、陳國峰、翟威廉本身都玩開功夫，自然做得好啲，Jason特訓期間個樣都超級無奈，自己做得特別差，成日都要畀師傅「的」出嚟做多幾吓，然後豹拳鷹拳之類佢完全打唔到，師資就玩嘢整個「鵪鶉拳」佢嘆，佢又真係戇居居照耍，真係慘慘豬，邊有咩「鵪鶉拳」o架!

最恐怖係，思捷最後仲要扮晒師傅要佢耍「童子功」!竟然要用下體拖行重物，思捷親自示範拖車o太，但拖到一半瞓低咗，嚇到Jason標晒冷汗!不過以為思捷玩到要迫Jason玩「童子功」睇佢肯唔肯就範，點知呢度就自爆玩嘢，網民都話完得太突然!