李思捷主持的TVB整蠱節目《玩嘢王》，今晚播映最后一集，還于商場進行直播，吸引4百觀眾參與，而陳雅倫、薛家燕、郭晉安、馬賽、朱慧敏和陳庭欣等也有出席。現場準備了鮑魚供藝人享用，但咬一口方知被整蠱，原來被指是價值6萬元的鮑魚，是以巧克力仿制的，讓眾藝人不停大笑，而李思捷則笑指原意只想讓眾人甜蜜一番。李思捷表示現在工作忙碌，若節目添食再拍或要轉換形式。
穿上紅黑背心裙的陳雅倫，肩帶不時滑下十分性感。對于被潘美辰指曾借錢給她沒還，問及相關問題，陳雅倫多次回答「無聊、荒謬、不是事實不回應」，她指正常人都懂得分辨這事，不想被別人拿她作宣傳，并謂自己向來努力工作，也并非小妹妹一名，是成熟女人，問題是要解決，并不是弄出是非。其后，陳雅倫還拉開話題，指寧跟李思捷傳緋聞，并笑指李思捷讓女友王寶寶去探班，也不叫她探班而吃醋，并寄語給弟婦，指弟弟李思捷是管不到。
直播活動至尾段，司儀黎芷珊和林盛斌聯同多位被整蠱的藝人到台上，一起作反整蠱，并把多張心形貼紙貼滿李思捷全身，最后還騙他鐘嘉欣特別返港支持節目，其實是安排一名胖女，化上濃妝與李思捷親嘴。當李思捷見到如此景況，也欣然接受，親吻逾10秒后，還高呼很久前已想吻這位胖女，并以此作直播完結。
第7集 – 《玩嘢王》壓軸一戰
《玩嘢王》今晚最後一集，無綫邀請被玩過嘅藝人，好似薛家燕、馬賽及王君馨等在喺荃灣愉景新城跟觀眾睇直播。節目一開始，玩人玩到出晒位嘅李思捷，話用咗6萬蚊買鮑魚宴請曾被整蠱嘅嘉賓食，點知原來思捷去到最後一集都要玩到盡，隻鮑魚竟然係用朱古力整嘅假貨，食到喺現場嘅家燕姐同郭晉安叫救命！
話就話最後一集係直播，其實只係一眾藝人同觀眾坐喺現場睇一早錄影好嘅節目，今次嘅受害者先有金剛，話說一早set好咗關係圖，有份玩金剛嘅陳雅倫、飾演總理夫人嘅著名舞台劇演員伍潔茵，扮晒嘢唔啱key，要金剛做磨心，伍潔茵同金剛排舞嘅時候又對佢嫌呢樣嫌嗰樣，搞到金剛面都黑埋，之後陳雅倫同金剛跳嘅時候仲一嘢錫落去金剛條頸度，伍潔茵又扮晒睇唔過眼，同陳雅倫嘈，金剛真係頂唔順，不過金剛都好專業話點都會做埋落去，到最後知道係俾人整蠱，佢都承認自己啲嬲，不過因為係女人，所以忍讓喎。
其賽自從有指《玩嘢王》玩得太盡之後，節目收儉唔少，不過同一時間亦變到冇咩新意，所以去到最後一集，明顯係想吸引觀眾，就走去玩阿姐級人物—-家燕姐！仲叫埋小儀幫手，扮晒邀請家燕姐做飲食節目，叫佢去五星級酒店食「好嘢」，李思捷扮做法國大廚，煮「佳餚」俾家燕嘆，難食到痹嘅嘢，但節目錄緊影，家燕要大讚「Good Taste！」導演嗌cut之後，佢即刻吐出嚟兼漱口！
不過，老老實實，今集嘅「劇情」就更加令人意料之內，觀眾只係睇吓各藝人可以有幾好戲咁啦。
最後一集嘅《玩嘢王》受害者。
陳雅倫除咗玩人，仲攞埋同思捷嘅緋聞上節目講。
潔茵姐姐係令金剛黑面嘅最大功臣。
潔茵姐姐真係全程唔笑0架。
一字記之曰…
陳雅倫一嘢咀落金剛度…
引發兩女罵戰。
金剛：「救命呀…」(設計對白)
之後仲要玩埋阿姐級嘅家燕媽媽。
佢唔係咩法國名廚…佢只係李思捷…
第一道菜，家燕姐已經覺唔對路…
最後結果，大家都應該好清楚…
思捷阿夢現場激咀5秒 陳雅倫全程跌膊
原來最後一集嘅《玩嘢王》，好睇嘅嘢全部發生喺做Live嘅荃灣！當整蠱家燕姐嘅Final Mission節目完結，睇埋李思捷點樣金盤洗手之後，一眾參與過《玩嘢王》嘅藝員就喺愉景新城台上同現場觀眾嚟番個告別式，除咗俾各集被玩嘉賓分享吓感受之外，梗係要對思捷嚟個大報復啦！
有份喺現場嘅觀眾可以睇住玩人就玩得多嘅思捷俾人全身貼貼紙，仲呃佢話嘉欣BB專登返港同思捷慶功，點知原來係以「夢之吻」成名嘅阿夢同思捷贈慶，仲要同佢激咀5秒！今次真係乜仇都報晒啦…
為今次《玩嘢王》專成回歸TVB嘅陳雅倫都唔惹少，佢著嘅紅黑間裙全程跌膊，真係接近50歲都性感依然，仲同思捷講：「緋聞男友，我好愛你」，仲要攬攬，完全當其他人透明！
喺後台倏訪問嘅時候，陳雅倫又搞笑咁話好想同思捷傳緋聞，仲作狀發嬌嗔呷思捷女友春卷王寶寶乾醋。有報道指陳雅倫被潘美辰力數欠債，思捷就力撐：「只信一半。」陳雅倫則否認：「無聊、荒謬，唔係事實唔答，我唔想人哋攞我宣傳！」咁妳就同李思捷一齊宣傳咪得囉。
節目尾聲，思捷先向家燕姐以茶謝罪…（電視截圖）
再嚟金盤洗手…真係冇得再玩嘢？（電視截圖）
喺荃灣現場，個個嘉賓上台慶祝最後一集。（電視截圖）
思捷仲同陳雅倫攬攬！（電視截圖）
之後思捷被大報復！（電視截圖）
再獻上夢之吻…（電視截圖）
真係咀足5秒有多?（電視截圖）
思捷幾興奮﹗（電視截圖）
47歲嘅陳雅倫，一樣咁hot~~~
又同思捷耍花搶…
終於有正常合照。