《玩嘢王》李思捷鬼上身 馬賽嚇到彈起

由李思捷主持的無綫整人節目《玩嘢王》播出後好評如潮,昨晚聯同《Big Boys Club》的梁烈唯、陳國峰及麥玲玲,齊齊整蠱馬賽。眾人利用魔術道具,大玩「筆仙」及「飛手巾」製造靈異現象,成功令馬賽上當。之後玲玲又叫她:「見到鬼當咩都睇唔到!」語畢,思捷背後即出現「女鬼」,馬賽亦聽話地視而不見,表現淡定。但當廠內燈光恢復正常後,思捷又扮鬼上身墮地喪喊,馬賽即捉緊玲玲玉手,之後突然有人大嗌:「馬賽你後面呀!」馬賽即嚇得花容失色彈起身,事後才發現只是人扮的熊貓。

截稿前,該片於mytv已累積四萬三千點擊率,思捷透過電話表示有信心點擊率會破五萬,但不打算添食。他說:「因為籌備呢個節目真係心力交瘁,每一集平均要諗成個月,依家都諗緊請大家食飯。(怕被人打?)播完第一集返TVB,個個好似生人勿近,以為有機影緊我咁,其實七集已經拍完。」