首播日期: 2013.09.18 星期三 7:00PM 翡翠台

工廠大廈（簡稱工廈）可說見證香港時代變遷，50、60年代香港製造業全盛時期，工廈隨處可見；但隨着工業轉型，商貿、零售服務及金融業成為主流，廠商紛紛北移，致令香港工廈相繼空置。香港彈丸之地，商舖需求殷切，一班有志創業、眼光獨到的精明人士，豈會任由工廈十室九空，浪費土地資源？發揮天馬行空的創意，助自己實現夢想之餘，更能「活化」工廈，一舉兩得。在繁囂的城市中創出另一番新天地！

經過一班頭腦靈活的創業精英改頭換面，這些外表平實的工廈，內裏別有洞天！三位充滿青春活力的主持周奕瑋（Jarvis）、林欣彤（Mag）及陳華鑫（Gloria），走遍全香港的工廠大廈，為大家發掘隱藏其中口碑好、質素高的享樂及偷閒新熱點。誰會想到在工廈內可嚐到「米芝蓮」級數的頂級美食？或可與三五知己玩一局槍戰；甚至滑雪、打棒球；還可欣賞到才華洋溢的藝術作品，多元化的新興潮流「蒲點」，保證令大家大開眼界、驚喜萬分！

為工廈注入新動力的創業精英，最初何以想出利用空置工廠大廈實現夢想？他們的「夢想王國」室內裝潢絕不馬虎，到底投放了多少心思？香港各大商場早被連鎖式經營店舖佔據，創業精英在工廈內獨立經營另闢蹊徑，又有甚麼「煞食」招數及過人之處，「廠出新天地」？三位活力主持會一一造訪這群奇才，查探究竟！

林欣彤睇男模全相 畫裸像

林欣彤（Mag）、周奕瑋同埋陳華鑫今日喺觀塘出席主持嘅《廠出新天地》記者會，Mag話最難忘係對住個男模特兒畫裸像，睇晒個男模全身，問佢尷唔尷尬？佢話冇，因為好多人喺度，問佢畫到去男模重要部位時點樣？Mag笑道：「畫到嗰一秒尷尬咗，跟住飛咗嗰part，其他俾心機啲畫。」

之前Mag情緒出現問題，更一度暴瘦，仲放咗個長假休養，Mag話呢排好開心，心情穩定咗，啲肉開始嚟，要開始keep fit，佢話唔係因為有愛情滋潤，0依家好dry，問佢同羅孝勇點？佢話大家一直都係朋友喎。

右圖就係全裸男模畫像？睇阿Mag當時個樣，真係好似睇到呆咗喎。

笑容重現嘅Mag，開始慢慢「長肉」了。