On Call 146小時 高燒楊怡︰無得唞

FACE週刊 第255期

女鐵人

On Call 146小時 高燒楊怡︰無得唞

2012年04月11日

上週二( 3日)《名媛望族》出發到上海取景,無綫拍劇出名爭分奪秒,加上海外取景秒秒燒銀紙,身為主角自然會榨乾。結果搞到喺《名》劇擔正嘅楊怡,日日拍兩組外景,朝五至凌晨 2時先收工,計埋落妝上妝時間,基本上無瞓過,捱足 5日終於冧檔,不過發高燒楊怡都無得唞,流住鼻涕頂硬上,一姐你估易做!

上週六( 7日)楊怡抱恙開工,未埋位時即刻匿埋休息,仲搵個化妝袋當枕頭挨住瞓。
上週六( 7日)楊怡抱恙開工,未埋位時即刻匿埋休息,仲搵個化妝袋當枕頭挨住瞓。

楊怡 喺無綫多年出名捱得,不過近年都試過病倒,前年拍《真相》時就試過過濾性病毒入下巴要放假半年休養。今次為 40集長劇《名媛望族》,因劇本經常要飛紙仔, 喺香港場口不算密集,所以 32歲楊怡初期開工仲算舒服。

病到七彩,即使埋位時楊怡亦成個病樣,唔知以為佢好入戲。
病到七彩,即使埋位時楊怡亦成個病樣,唔知以為佢好入戲。

車敦影城無醫生睇,楊怡惟有食住工作人員嘅感冒葯頂住先!
食葯硬撐
車敦影城無醫生睇,楊怡惟有食住工作人員嘅感冒葯頂住先!

外景打真軍

不過無綫點會畀你攤長拍?上週二( 3日),《名》劇出發到上海取景,由於全劇大部分外景都在車敦影城,外景場數多所以劇組實行兩班制,身為劇中女主角的楊怡,戲分要由朝踩到晚。「佢上到 嚟已經唔係好舒服,仲要日日開工,基本上場場都有佢。由朝早 5點拍到凌晨 2、 3點至收工,鐵人都死啦!」劇組人員說。

楊怡喺車敦拍《名媛望族》,男友羅仲謙就喺香港為新劇《巴不得媽媽》開工。女友病咗,謙仔會唔會上去探病呢?
楊怡喺車敦拍《名媛望族》,男友羅仲謙就喺香港為新劇《巴不得媽媽》開工。女友病咗,謙仔會唔會上去探病呢?

中楊怡同馬國明戲分唔少,但其實佢係劉松仁第四個老婆,劇中仲有埋松哥骨肉添!所以有呢個大肚 look出現!
大肚 look
劇中楊怡同馬國明戲分唔少,但其實佢係劉松仁第四個老婆,劇中仲有埋松哥骨肉添!所以有呢個大肚 look出現!

CoCo北上 mark實大孖


草叢小便
週一( 9日)大孖繼續為《名》劇開工,出外景時,大孖突然中途下車,在草叢附近解決,劇務就負責在場把風。

上週本刊率先踢爆大孖背正印模女友袁聖殷 CoCo,暗撻馬賽,更到其家中過夜,雖然當事人否認,不過就觸動正印 CoCo神經,《名》劇到上海取景, CoCo亦特登請三日假 mark實男友。大孖亦交足戲,陪女友行街,但週一( 9日) CoCo已回港,無人睇實嘅大孖, 喺場內繼續撩馬賽。

無得唞惟有死頂。上週六( 7日)有重感冒嘅楊怡繼續開工,未埋位前,楊怡坐在一角,又 攰又怕太陽曬,結果自己揸住把遮瞓。至週一( 9日)《名》劇拍攝騎馬場口,全劇演員到齊,未病好 嘅楊怡繼續死撐,好在導演優先拍畢楊怡戲分,更話:「拍完你喇!快啲返去瞓吓啦!」而楊怡就話:「其實都係感冒啫,可能呢度溫差大啦!(點解唔唞吓?)好多場都有我,唞咗大家無嘢拍,所以無得唞㗎!」咁慘?謙謙肉痛喎!

大孖被本刊踢爆暗撻馬賽後,正印女友袁聖殷相當緊張,仲親身急飛車敦 mark實男友。
大孖被本刊踢爆暗撻馬賽後,正印女友袁聖殷相當緊張,仲親身急飛車敦 mark實男友。

上週六( 7日)大孖唔使開工,即刻扮好男友陪女友袁聖殷,去上海新天地行街。
上週六( 7日)大孖唔使開工,即刻扮好男友陪女友袁聖殷,去上海新天地行街。

大孖陪女友,疑似小三 嘅馬賽就全程跟住朱晨麗。不過袁聖殷已回港,馬賽仲會唔會同大孖咁 close呢?
大孖陪女友,疑似小三嘅馬賽就全程跟住朱晨麗。不過袁聖殷已回港,馬賽仲會唔會同大孖咁 close呢?

正印 CoCo已返港,無人睇實一身輕,大孖即刻撩劇中老婆馬賽傾偈。
正印 CoCo已返港,無人睇實一身輕,大孖即刻撩劇中老婆馬賽傾偈。

追星攻略

《名媛望族》今次取景 20日,地點在上海車敦 嘅上海盛強影城,唔少大片如《十月圍城》和《 2046》都 喺呢度拍,除 咗劇組外,粉絲亦可自由出入,在松江城搭個半鐘的士就到,再加 80蚊人仔即可同明星近距離接觸。由於有唔少民初時代布景擺設,所以有唔少人來此拍婚紗照;而無 綫另一劇集《大太監》則在橫店取景,橫店影城比盛強影城更有規模,除有不同朝代景點,仲有主題公園,最貴入場費要 1,290蚊人仔(包四個景點+歡樂谷),最平 20蚊人仔(一個景點),真係豐儉由人。

車敦
車敦

唔少粉絲慕名而來,馬明對粉絲有求必應,而病緊 嘅楊怡,亦無托手 踭,來者不拒,必定合照。
唔少粉絲慕名而來,馬明對粉絲有求必應,而病緊嘅楊怡,亦無托手踭,來者不拒,必定合照。

《大太監》已拍完成回港, 6月輪到《金枝慾孽 2》來取景。
橫店
《大太監》已拍完成回港, 6月輪到《金枝慾孽 2》來取景。


本文鏈接:On Call 146小時 高燒楊怡︰無得唞