TVB台慶劇《On call 36小時II》一班演員包括馬國明、楊怡、羅仲謙、黃智雯、朱千雪及黃淑儀等出席宣傳活動，分批做仰臥起坐、掌上壓及呼拉圈等測試健康狀況，緋聞男女楊怡、羅仲謙表現尷尬，拉受訪問時更不斷嚷熱。

謙仔在做掌上壓時故意減慢速度，結果被罰再做單手掌上壓，緋聞女友楊怡擔任評判，但楊怡卻叫他：「不用再做。」之後兩人一起接受訪問，剛開始保持距離，其後才靠近拍照，二人接受訪問時，楊怡不斷說熱，更要借紙張撥涼，謙仔笑指楊是獨立女性，不需他出手相助。兩人又否認穿深色情侶裝。謙仔解釋拖慢做掌上壓只是為搞笑，楊怡並非偏幫自己，只是想活動流程快些。主角之一的吳啓華因身在內地拍戲而未能參與宣傳，他們均認為無所謂，可以透過其他途徑宣傳，楊怡對收視有一定信心，但亦有少少壓力。今日各有工作在身，無法相約看首播。

馬明剛由上海返港，他透露該部由成龍監製的電影《緣來是遊戲》應於台慶前拍竣，又否認拍戲時艷福無邊，只要可以賺人民幣已很開心。本來他擔心TVB有收緊政策，知道樂易玲否認就鬆了一口氣。談到他是今年視帝大熱，他即說：「聽講係Chilam（Cool魔張智霖）喎，其實仲有好多人，近排咁多劇，仲有嚟緊《My盛lady》嘅黃子華都好勁，不過都好開心可以同Cool魔練過。（有信心攞視帝？）OK喇，平常心，盡力而為啦，有得同前輩爭下都開心，而且《衝上雲宵ll》同《On Call36小時ll》我都有份，如果有好成績我都好開心。」新劇將於8點半播出，而且《My盛lady》將緊接在9點半時段播放，問會否覺得輸蝕？他說：「時段都係o既，不過都係睇口碑，同網上睇番都OK，最緊要大家鍾意、觀眾鍾意。」

楊怡為咗谷劇，拖住馬明叫老公，一轉頭又同謙仔耍花槍。

楊怡一出場就拖住馬明，仲話馬明係佢老公。

趙希洛玩跳繩，好有動感。

成班演員喺台上面玩自拍。

黃智雯玩呼拉圈就有啲姐手姐腳。

馬明同謙仔做掌上壓時，偷雞做少幾下。

最後咪要畀人罰做單手掌上壓。

謙仔話楊怡冇對佢特別關照，好明顯耍花槍啦。

馬明話今次套劇艷福唔夠吳啟華多，拍成龍監製電影又話戲中女角都同佢無關，好酸咁喎。