馬國明、朱千雪同黃智雯等，噚晚喺將軍澳某酒樓一齊睇無綫台慶劇《On Call36小時II》首播，不過部份演員包括吳啟華、楊怡及羅仲謙就缺席。

劇中馬國明同楊怡係一對，劇情話唔會有第三者。記者笑指楊怡已名花有主，馬國明竟然話：「一日未結婚都可以揀。」

人哋男朋友羅仲謙好大隻喎？馬國明竟然寸佢：「0依家仲講大隻，大隻冇用，大隻只有型。冇人一拍拖一定中，拍拖都可以係筍盤。」哇，咒人哋分手呀？

講到朱千雪否認同陳智燊緋聞，又話自己係單身，記者再問馬國明，不如叫佢追朱千雪，馬國明笑笑口話：「最衰冇乜對手戲，可惜，少咗機會了解。」咁完咗飯局可以送女方返屋企增加了解？馬國明即縮沙：「唔好咁刻意，我唔信一見鍾情，要相處舒服先開始。」馬國明亦承認楊怡、李詩韻同吳啟華等，都想介紹女仔畀佢識。

馬國明笑言同朱千雪喺劇中少對手戲，缺乏了解機會。

馬國明同潘嘉德

馬明﹑黃智雯及朱千雪等出席新劇首播，但楊怡及吳啟華缺席。

朱千雪否認同陳智燊緋聞。

馬國明寸爆羅仲謙大隻冇用。