何父拜金迫女嫁馬主 蕭正楠私藏何傲芝

何父拜金迫女嫁馬主 蕭正楠私藏何傲芝

發霉十年近日憑《仁心解碼II 》一哨上位的蕭正楠(Edwin),升一線在望,月前更以4百多萬置業,但仍未能博得現任女友何傲芝父親的青眼!何父嫌窮棒打,Edwin 惟有在新屋藏芝,人前死口唔認戀情;自小已帶兩女出入馬場一心培訓女兒釣馬主的何父,周日入馬場搏殺時乍聞蕭正楠三個字當場火都嚟!

(第798期《東方新地》)

何父拜金迫女嫁馬主 蕭正楠私藏何傲芝

何傲芝鍾情蕭正楠 何父嬲爆反對

《仁心解碼2》雖然有唔少女神(苟芸慧、陳茵媺、李亞男同朱璇)坐陣,不過其實套劇最受歡迎嘅係蕭正楠(Edwin)至真,佢今次喺劇中飾演哨牙仔,其搞笑嘅造型令觀眾留下深刻印象,成功上位。連帶Edwin喺內地嘅登台騷接到手軟,衰咗十年嘅佢今次終於番身喇,佢更喺去年底以464萬買入葵涌華景山莊一間800幾呎單位,仲同女友何傲芝同居o添。

不過Edwin同Gigi嘅戀情一直遭到Gigi父親反對,何父一直都悉心栽培何氏兩姊妹釣金龜,不過Gigi一於少理,鍾情Edwin。3月22日,Edwin生日前夕就同Gigi被拍到喺屋企附近,佢哋放棄外出慶祝,留喺屋企過二人世界。過兩日(3月24日),何父現身馬場,被記者問到有關Gigi男友Edwin嘅事,佢一聽到後就發火話:「唔講呢個人。」雖然Edwin o依家成功上位,不過似乎何父對於Edwin嘅成就一啲都睇唔上眼,據知,何父覺得Edwin36歲人先有層400萬嘅樓係冇咩了不起,仲話:「成36歲,400萬諗住供幾多年。」唉,係其實女大女世界,個女想同邊個一齊咪一齊囉,唔通真係賣女咩?Uncle。正所謂:「寧欺白鬚翁,莫欺少年窮。」


Edwin今次哨出同明天喇,加油呀!

何傲芝。

何父(中)栽培兩個女釣金龜,如今重任留番俾(左)妹妹何傲兒喇。