「玉瑩小主」黎姿 Fit一世

《金枝慾孽(貳)》已經播映,前一輯《金枝慾孽》女主角得番「如妃」鄧萃雯一個留低,其餘人腳「爾淳」佘詩曼唔做TVB一姐,近年長駐內地拍劇接job賺人仔;「玉瑩小主」黎姿(Gigi)下嫁富商馬廷強後,先後生咗三個女,非常幸福,使乜同你捱更抵夜拍劇喎!

身形同未生女前一樣咁fit嘅Gigi日前暫時放下三個女兒到銅鑼灣時代廣場連卡佛shopping,sales見到佢好好服侍,仲斟嘢俾佢飲,買完嘢之後黎姿就同助手一齊離開,走出連卡佛等車,返屋企弄女為樂!

黎姿 Fit一世
上年10月生咗細女Pegella後Gigi忙湊女,呢日佢暫時放下囡囡,着住皮褲皮 靴去行街,身形fit到漏,修身好成功。

黎姿 Fit一世
黎姿喺連卡佛入面睇護膚品,sales全程勁好服侍,仲斟埋嘢俾佢慢慢歎。

黎姿 Fit一世
等咗一陣七人車駛到,黎姿同幫佢拎戰利品嘅助手一齊上車。