47歲李麗珍膠面再婚 許愿女認潘作父

一代性感女神李麗珍,情路曲折又離奇,未婚懷孕,之後同許愿離婚,跟已婚髮型師Jacky Ma的一段3P迷幻不倫戀,轟動全城,情路兜轉下,07年翻撻舊情人潘源良,阿潘自此一日三餐包起兩母女,經常一家三口家庭樂,經過六年的相處,16歲女兒許倚榕接受這位後父,成就了47歲珍妹決定年底再嫁,近來頻打回春針,可惜衰貪心,日前本刊記者近距離採訪,發現珍妹無論說話定咧嘴大笑,面上依然無紋無表情,硬過林志玲!

(第806期《東方新地》)

倚榕改口叫爹哋

李麗珍在85年拍攝《戀愛季節》時和當時已結婚的導演潘源良撻着,珍妹當時和狄波拉細佬Patrick拍拖,四角關係糾纏不清,最後潘離婚,但珍妹卻轉投漫畫家祈文傑懷抱,輾轉廿多年後,二人再續前緣,可惜當時遭珍妹女兒倚榕反對,一度分手,知情人士透露:「嗰時珍妹形象盡毀,潘源良不記前事同佢一齊,係好難得,但倚榕嗰時仲細未識諗,日日喊住話唔想要第二個爹哋,唔想媽咪有男朋友 ﹗珍妹為咗個女,提出分手 ﹗但潘源良死唔放棄,話會一世等珍妹,用咗好長時間去同倚榕相處,周不時關心同買嘢氹佢,倚榕漸漸由抗拒開始接受呢個uncle,近年佢哋成日已經好似一家人咁,倚榕由uncle改口叫Daddy。」

47歲李麗珍膠面再婚 許愿女認潘作父

珍妹提再婚笑晒

本月2日,珍妹和潘源良陪倚榕,到灣仔通利琴行買結他,期間潘源良細心為倚榕揀適合的結他,又逐一試彈,最後買了一支木結他,由潘源良俾錢,倚榕即說:「多謝爹哋!」離開時,沿途三人一直有傾有講,儼如一家三口,非常溫馨,其後潘幫珍妹挽袋先行離開,兩母女繼續行街,本刊記者上前恭喜珍妹即將成為潘太,珍妹只低頭甜笑,問到近日的工作,問到會否復出?珍妹笑謂:「我都冇退出過!(會唔會再拍戲?)有人搵都會考慮吓嘅!有好劇本先啦!」一副等嫁唔使做之態。

47歲李麗珍膠面再婚 許愿女認潘作父

衰貪心變硬膠面

早前有傳聞指潘源良返內地拍戲,偷嗒強國女子, 珍妹知道後即怒斬情絲,並急將二人聯名的兩個物業放盤,珍妹為了女兒的學費,決定分清家產,擸錢鬆人, 事後二人否認情變,更指關係「愈來愈好,遲下有說話同大家講。」據悉兩個失婚中年人計劃今年年底再婚, 之前出席志偉壽宴,席間有人問起婚事,二人都笑住默認,為了一家三口同住,所以才將二人聯名的加州花園和八鄉村屋放盤。珍妹是一代女神,可惜曾因生活糜爛,變成肥珍又烏where,加上畢竟47歲,為了以最佳狀態行婚禮,走去執走殘樣,好友透露:「珍妹早幾年幫間美容院做代言人,打一支Botox就好快見效,不過珍妹嫌貴,舊年幫大陸一間整型中心代言,貪平咪返去打,佢心急叫人重手啲,諗住可以維持耐啲,搞到塊臉變咗型,要慢慢等啲藥力過先可以再打。」

47歲李麗珍膠面再婚 許愿女認潘作父