推劇放長假 返加待產 陳豪 陈茵媺有餡閃婚

陳茵媺突以返加國探父母為由辭演六月開拍的武俠劇《寒山潛龍》，惹來秘嫁陳豪之說，二人拒絕透露詳情，令結婚傳聞更疑幻疑真。婚事急進行，皆因有啲嘢唔等得，肚大如籮唔知點見人！Aimee月初由大馬拍劇返港後驗出「喜訊」，除急急辭演武打場面甚多的新劇《寒山潛龍》，更缺席《情越海岸線》宣傳。原本買定豪宅擬年底娶妻的陳豪，曾說過不讓女友未婚生子，故急將婚事提前，下月陪女友啟程往加拿大拜候女家父母，商量「封盤」大事。初步請假三星期的Aimee，已知會無綫隨時延長假期至年底，留加待產。

陳豪陈茵媺奉子成婚

(第806期《東方新地》)

陳茵媺被指將秘密飛返加拿大秘婚，其代言人陳豪表示：「佢要返加拿大，詳情唔方便講。」又聲稱不會陪Aimee返加，「我喺香港都有嘢做，都知大家好關心我哋，總之有好消息我會同大家宣布，我係傳統嘅人，結婚一定會話俾大家知。」

上周五（17日）陳豪出席活動時再被追問已否求婚：「唔話得你知！」經不起現場記者窮追猛打，陳豪正色道：「如果結婚會講，但我要啲私人空間，唔會每個step同大家分享。」問到會否同飛加國？陳豪一改口風：「梗係唔講得你知啦！」

身體不適 武打戲不宜

《寒山潛龍》原定日內開拍，由馬國明、陳茵媺、李詩韻及敖嘉年等主演，Aimee辭演事出突然，三缺一令無綫相當頭痛，一時間未能找到人選補上，暫未知能否如期開拍。其實5月初Aimee由大馬拍畢《單戀雙城》返港後已收到《寒山》劇本，但一星期後突向監製羅永賢辭演，據知當時以急返加國處理私人事為理由，又透露身體不宜應付大量武打鏡頭及威吔場面。

本周日（19日）《情越海岸線》「齊腳」宣傳，獨欠Aimee，似乎「身體不適」之說非虛。但其實所謂身體不適，原來並非壞事而是喜事！據知Aimee在大馬拍《單戀雙城》期間常感疲倦乏力，收工後亦甚少隨大隊夜出吃飯消遣，楊秀惠、姚子羚邀約海灘暢泳她更加耍手擰頭，頂多於沙灘陪玩。Aimee最後一次公開露面已是本月8日長洲《情越海岸線》宣傳，她坦言自大馬回港後「喪瞓」，未有追看男友主演的《金枝慾孽貳》，被追問男友是否已求婚，Aimee未有否認：「有冇都唔話你知，而且唔應該問女仔。」

留加待產 父母照顧

知情者指：「Aimee返到嚟香港即刻去check，知道中咗，雖然係開心嘢但佢同阿Mo一時間都手足無措，加上《寒山》係武俠劇，索性辭演，搞出咁大件事都要同女方家長交代，下個月阿Mo其實係陪Aimee返加拿大拜候人哋父母，商量點做，下一步當然係盡快註冊結婚，但未定點搞，始終佢兩個大本營喺香港，而Mo媽亦想照顧埋澳洲啲親朋！」據知Aimee初步請假三星期，但已知會無綫不排除假期延長至年底，估計在香港無親人的Aimee很大機會留加待產由父母照料。

想當初拍拖斷正唔認，今年被影到上恒基落訂買樓又唔認，陳豪被問到下月陪女友返加閃婚一事，雖然又擺出一貫「陳豪腔」，但其實年屆42歲的他早落實今年迎娶Aimee。

年底婚期急提前

他和Aimee去年已不時秘密睇樓，最後睇中大埔比華利山別墅，並睇準一手樓新例殺到前，以低出市價兩成，拍板以3,300萬港元購入湖景路最後一個一手貨尾4,000多呎獨立屋，準備與女友共築「豪」宅。剛拍畢《傳愛事務所》的他，下半年只拍一部劇，騰出時間處理人生大事。

近年陳豪常表示一定會結婚生BB，但32歲的Aimee仍想專注演戲，即使結婚也不急於生育，「我考慮過收養，不過結婚生育係女性要經歷嘅事，我都會做，但唔係依家。」不過搞出人命事出突然，加上陳豪說過絕不讓女友未婚生子，如今Aimee肯生，陳豪樂於急娶，宣布筍盤正式封盤！