重燃性趣 鄭秀文飛釘跑步誘許志安

鄭秀文與許志安復合兩年多,人前人後愛到出晒面,Sammi更曾説過:「結婚係人生終極目標。」不過近日有傅二人為生仔問題有拗撬,安仔恨做老寳恨到發燒,但Sammi就寧願養貓,更試過因此而冷戰幾日,不過據知近日二人終於達到共識,Sammi態度開始軟化。

為了不會將Sammi迫得太緊,於是安仔決定由運動入手,玩跑步強身健體,懷孕機會亦都大增。上周二人在山頂寶雲道跑步,期問Sammi跑到飛晒釘,跑到㷫烚烚的安仔更由左邊望到右邊,然後急急攞車走人,原來跑步真係會增加懷孕機會o架!

(第806期《東方新地》)

第806期《東方新地》:重燃性趣 Sammi飛釘跑步誘安仔
Sammi凸點跑步誘安仔

生仔有機

今年四十一歲的鄭秀文已經步入高齡產婦的年紀,就算今年結得切婚,都要馬上開工造人,對此,令四十六歲的男友許志安甚為着急,「安仔不嬲都鍾意小朋友,自從佢同Sammi一齊番,佢成日諗,一定要快啲生仔,因為佢諗到自己五十幾六十歲時,係咪仲有精力同小朋友玩先?」

不過Sammi對生仔甚為恐懼,更曾公開表示唔敢生仔,「就算冇(倫常慘案)呢啲新聞我都唔敢生,對做媽咪有恐懼。」二人對生仔一事未能達到共識,更有傳為此事而冷戰幾日,不過近日Sammi 對生仔態度軟化,知情人士透露:「早排Sammi見到劉德華個女都覺得好得意,但係咪真係要刻意去做,佢又唔會囉,佢選擇順其自然。」

重燃性趣 鄭秀文飛釘跑步誘許志安

跑到飛釘

冇拒絕等如有機會,於是安仔即刻做嘢,首先係養好副偈,「Sammi都有跑開步,不過多數都係室內跑步機,安仔話不如出去跑,又可以吸吓清新空氣,人都健康啲。」於是,上周二下午三時多,二人在山頂寶雲道拍住拖跑步,期間安仔表現體貼,每當有車輛駛過時,他都會拖實Sammi,而體能明顯比她強的安仔亦都刻意慢跑遷就Sammi步速。跑了一個多小時,二人緩步走準備離開,跑到㷫烚烚的安仔發現Sammi飛釘,他更專注地由左邊望到右邊,此時眼利的他發現記者,於是一個箭步擋在女友前,費事飛釘女友被人睇蝕晒,然後便急急攞車撤退,唔通趕住返屋企造人?!