藍莓劉俐被爆澳門接客 錢國偉趁勢開拍娛圈賣淫戲

「味之天使」劉俐(藍莓)近日被爆到澳門酒店陪老細,跟中間人傾洽的交易留言以及電話錄音全被刊登,被爆過夜價25萬,當事人否認又潛水,密友兼恩師肥監製錢國偉,不但冇幫手澄清,更有意食住條水,開拍有關娛樂圈女星賣淫實錄為題材的電影,搵埋藍莓做女主角,大收宣傳之效,有助藍莓接job叫價,藍莓今次賺凸!

(第807期《東方新地》)

單拖過大海會佬

現年23歲的劉俐,09年在《美女廚房》中擔任其中一位「味之天使」而為人認識,入行四年,只做二打六過鏡角色,近日播出的《情越海岸線》是無綫救亡之作,為谷收視,在劇中只飾演閒角的藍莓,和上圍同樣迫爆的白雲,肩負起在預告片中的拋胸蕩奶之重任,成功吸睛,但都唔及被爆陪老細上酒店房夠爆炸性,日前藍莓被影到濃妝艷抹、貼身短裙獨自到澳門會合中年男子,雙雙到星際酒店開房,報道又將她與富豪中間人的WhatsApp內容以及電話錄音公開,藍莓小心翼翼跟中間人確定接客地點和時間,同時爆出她的過夜價25萬,事後藍莓否認陪老細,佢話:「曾經有人向我問價,好奇之下同對方吹水,但我冇做,今次我覺得好委屈喊咗好耐。」

東方新地 第807期:藍莓被爆澳門接客 肥監製食住上開拍娛圈賣淫戲

肥wil:confirm唔到佢有冇做?

一手帶藍莓入行的肥監製錢國偉,一直對她寵幸有加,工作上有乜都預埋藍莓一份,私交甚篤,不過對於愛將陪佬開房,肥監製都唔肯幫佢澄清!

錢:錢國偉 記:記者

記:有冇留意藍莓接客單新聞?
錢:我做緊側田演唱會,冇乜留意!
記:雜誌影咗佢澳門陪老細上房,仲登埋交易嘅whatsapp內容同電話錄音!
錢:我都confirm唔到佢有冇接客,真定假冇人confirm到!記:會唔會打去了解吓?
錢:作為朋友,惟有選擇相信囉!依家唔煩佢住,我又忙緊!記: 據聞你打算開套戲講女明星賣淫做題材的電影?
錢:係有得諗!
記:預藍莓做女主角囉!
錢:一直都有呢個構思,之前幾套電影都想搵個重要角色俾佢演,佢都有興趣,但佢經理人約係TVB,成日都話好難度期!

柑桔:我個價都有六位數字!

「柑桔」陳蕊蕊近年轉做歌手,當年和藍莓一起做「味之天使」,對於藍莓被指接客,蕊蕊直指曾被撩以六位數字作不道德交易,不過遭她拒絕,她又鬧爆藍莓映衰全行!

記:有冇睇到藍莓接客單新聞?
陳:有睇,唔知點解啲留言咁易得到?可能有人裝佢!
記:驚唔驚映衰藝人形象?
陳:一定會啦,有部分人做就影響晒全行聲譽,人哋以為娛樂圈女仔都係咁!
記:有冇收過呢啲電話?
陳:做天使嗰陣收過,一打嚟就開價六位數字,不過我拒絕咗,又試過約我出去傾job,傾傾吓變咗傾接客!
記:肥監製話開套娛樂圈賣淫電影,你接唔接!
陳:如果角色適合都會接!