吳佩慈誕女 花名「小蕊蕊」

台灣女星吳佩慈未婚懷孕,表示生完BB先至籌備婚禮,早前一直於香港安胎。今午12點,吳佩慈在香港剖腹生下馬女,母女平安。

吳佩慈女兒身高50公分,重6磅,已取好小名「小蕊蕊」,英文名「Hillary」。吳佩慈懷孕9個幾月,只係重咗19.8磅左右,手腳維持纖瘦好身材。據知吳佩慈一早已預定今日喺香港剖腹生B,但因為子宮收縮太厲害,醫生擔心BB會早產,所以吩咐吳佩慈近呢10日都唔好亂郁,乖乖待產。

吳佩慈之後都會留喺香港坐月,跟住就返台灣繼續調理身體。依家排住隊準備生馬B嘅女星仲有吳佩慈嘅好姊妹大S(徐熙媛)、阿雅、梁靜茹、林熙蕾等等,吳佩慈仲話好開心姊妹們可以一起升格做媽咪。

吳佩慈誕女 花名「小蕊蕊」