周柏豪微博發功冧何超蓮 做得出唔肯認

周柏豪前排俾人話同何超蓮喺微博傳情,女方主動like佢首新歌《我的宣言》,柏豪就順勢上留言話:「感謝你 希望你聽完甜。」超蓮就回覆謂:「簡直甜到爆好浪漫的歌,但我比較想知道…請問誰是這首歌的女主角呢?」於是周柏豪乘機邀請女方做呢個MV嘅女主角,結果超蓮以一句「竟然曲解我的問題,我是兄弟啦,你找真的女主角演吧。」網民睇完兩人你一言我一語,紛紛話「好有愛」。咁啱當時被指花心嘅吳克羣都有更新微博,但超蓮啋都冇啋佢。

噚晚柏豪出席頒獎禮,被問到係咪「情挑超蓮」、有所暗示?佢梗係唔認喇,仲死撐話,佢覺得如果叫人「享受音樂」好似好娘喎……但係,你寫出嚟嘅嘢,係邀請超蓮做你個MV女主角喎。出咗名係大文豪嘅竟然話:「我中文差,我冇呢啲意思。」

近排超蓮同吳克群傳出情變,唔通柏豪想坳手瓜?柏豪話:「唔係,我冇咁嘅意思,唔好亂諗,其他嘢唔想講咁多。」

周柏豪新歌受到超蓮喜愛,順便邀請對方做MV女主角。
周柏豪新歌受到超蓮喜愛,順便邀請對方做MV女主角。

何超蓮當柏豪係兄弟。(微博圖片)
何超蓮當柏豪係兄弟。(微博圖片)