有話兒:陳國邦重燃攞獎夢

獎項得到與否很講天時、地利,假如在無綫,人和就更重要。一向比較自我,歷來跟獎座無緣的陳國邦,原以為獎項這回事離自己很遠,不過近日隨着在無綫台慶劇《大太監》中飾演三順備受注目,加上女兒出世,心態有變,令他重燃奪獎的一團火。撰文:卓寶花、戴彩煥

陳國邦在主演的無綫台慶劇《大太監》中,飾演陰沉內斂的首領太監彭三順,他演來亦恰如其份。回想接拍《大》劇時,阿邦才剛獲知自己將為人父,如今女兒出世,劇集亦同時播映。阿邦一出場就是恃強凌弱,不討好的角色,但令觀眾印象深刻,順利跑出成為備受注目的人物,他說:「我一睇到劇本已經知有空間發揮,個角色有天賦條件,做咁多衰嘢,實出㗎。」

陳國邦家中飼養了不少貓咪,熟手湊女的他認為B女跟寵物可以好好相處。攝影:林德雄
■陳國邦家中飼養了不少貓咪,熟手湊女的他認為B女跟寵物可以好好相處。攝影:林德雄

在無綫劇《大太監》中,陳國邦扮演的三順,搶鏡非常,被看好有力爭台慶獎。劇照
■在無綫劇《大太監》中,陳國邦扮演的三順,搶鏡非常,被看好有力爭台慶獎。劇照

「又畀到期望我」

有人覺得彭三順一角足以令阿邦在台慶頒獎禮中問鼎最佳男配角獎,更被視為大熱人選。從近日曝光率不斷增加,訪問被安排得密麻麻,當中就可知一二,就幾乎連湊女的時間都沒有:「冇網民、冇人評論我咪冇期望囉,學米雪姐話,有兩屆視帝黎耀祥喺度,個劇出街一定唔會差,但彭三順整人啲戲,如果第15集先出街,邊會有人知,我咪可以留番喺屋企湊BB囉,仲邊有人搵我做訪問先,天時、地利、人和造就出嚟,同埋你咁同我講,咪又畀到期望我。」

今趟被外間追捧,令他熄滅了多年得獎的決心,再次燃起一團火,火是燒起,但所抱的是隨遇而安的心態,他還打了個有趣比喻:「紅同錢係掛鈎,有人問我想唔想紅,就等同問我想唔想買六合彩,買當然想中,但又唔會因為買完六合彩中唔到瞓唔着囉。」

上月底阿邦太太羅敏莊誕下愛女陳禛,阿邦初為人父,看見愛女來到世界,體會到造物的神奇,當時的感覺是好想用力抱實女兒。

阿邦與太太24小時輪流照顧B女,名副其實On Call36小時。日前記者到訪阿邦位於大埔的1,400呎新居,原來他為迎接小生命來臨,及為怕腹大便便的羅敏莊上落樓梯辛苦,數月前由西貢村屋搬往大埔屋苑居住,又聘傭人打理家頭細務,以便兩公婆全心全意照顧BB。阿邦說:「其實除咗BB床之外,大部份BB用品都係朋友送,或者係贊助。」

B女由細嚇大

跟阿邦傾談期間,B女亦飲完奶熟睡,但他不但未有將聲量收細,而且還突然向住B女「嘩」一聲叫出來,原來他是別有用心:「呢個都係我哋嘅方向,我見到好多朋友BB瞓咗要靜啲,有啲聲就會醒同喊,所以我班朋友、藝員、同事、姨媽姑姐嚟我屋企,我個個都畀個女佢哋抱,等個女習慣人、習慣聲音,起碼唔會咁驚,唔想畀BB喺無菌環境下長大,唔好喺個靜寂環境下長大,畀佢習慣聲音、習慣人。」


■阿邦可謂廿四孝爸爸,餵乖女飲奶前會先試溫度。


■B女上月底出生,換尿片對阿邦可謂無難度。

嬌妻風雨同路

阿邦在《大》劇中演活彭三順,現實中他卻是個廿四孝慈父,餵奶到換片全部一腳踢。近日阿邦因為三順人氣大升,可覺得囡囡腳頭好?他說:「好多人咁講,但唔可以咁諗,假如他日自己唔好,係咪話個女腳頭唔好?希望係我畀個女好腳頭,將來各方面都有好幸福嘅發展就真。」當日不想上鏡正坐月的羅敏莊說:「自己餵人奶,但囡囡好大食,自己唔夠奶,所以都要開奶粉,你估我係牛奶公司咩!」

陳國邦感激老婆羅敏莊,一直在身邊支持。
■陳國邦感激老婆羅敏莊,一直在身邊支持。
資料圖片

一向較含蓄的阿邦,亦要感謝一路共同面對困境的太太羅敏莊,他笑說:「老婆係開心果仲係過度活躍,我成日要塞住耳仔因為好嘈,有BB之後我最大改變,根據老婆形容笑點低咗,但依然好開心,佢個標準答案,因為老公好錫我。」

最想名利雙收


■陳國邦多年來雖不是擔正做男主角,不過演技出色毋庸置疑。攝影:仇志德

陳國邦89年畢業於演藝學院,隨即加入演藝圈,參與過的影、視、舞台劇作品多不勝數,但獎項總是擦身而過,對此他直言:「諗番咁多年陳國邦真係從來未攞過獎,除咗演藝學員攞過最佳學生獎,所以你問我想唔想有獎,我可以好肯定講一定想。」

陳國邦早年與李修賢(左)合演《壯志雄心》,並獲提名台灣金馬獎最佳男配角。劇照
■陳國邦早年與李修賢(左)合演《壯志雄心》,並獲提名台灣金馬獎最佳男配角。劇照

阿邦先後在89年憑電影《壯志雄心》提名台灣金馬獎及95年憑電影《飛虎雄心》,提名香港電影金像獎最佳男配角,他憶述第二次提名落敗時,曾望天打卦說:「點呀,到我未,幾時到我。」吸取了兩次失敗經歷,第三次不會過份緊張。

出道於電影圈仍舊風光的年代,當時不知低潮為何物,到後期電影市道滑落,自己亦隨之經歷人生高低,令阿邦體會到要在娛樂圈生存,有能力才能議價,他回想當年風光:「我拍電影時係搵得最多錢,家收入同以前差好遠,真係有高有低,睇你點面對,總之維持到生計就可以,當然唔係飯都冇得開啦。」