英華小學開學禮大合唱《衝上雲霄》

TVB劇《衝上雲霄II》主題曲由林子祥主唱,初時被嘲歌詞和唱腔老土,但經電視機日播夜播「洗腦」後,大人小朋友慢慢都哴哴上口。昨日英華小學開學,男老師穿上機長制服,變身Sam哥同Cool魔,與學生大合唱《衝上雲霄》,有個難忘開學日。

英華小學開學大合唱《衝上雲霄2》主題曲《衝上雲霄》

學生哥返到學校就眼前一亮,因為見到好多個《衝上雲霄Ⅱ》嘅Sam哥同Cool魔。學生哥唔係去錯機場,而係學校?男老師竟然着晒機師制服,女老師就着到靚空姐咁喺學校迎接佢哋。

每年舉辦主題活動

原來,英華小學每學年都有主題活動,今年就係大熱嘅《衝上雲霄II》,老師嚟緊呢一年會有唔同嘅挑戰俾學生,學生如果完成到就會有獎勵,最後仲可以成為「機師」。有學生、家長話,學校曾經以十兄弟故事為題,「例如叫學生學習大力士,可以自己拎書包,唔好依賴家長」。家長贊成學校搞搞新意思,等學生肯投入參與學校活動。

噚日開學活動上,成班學生哥喺禮堂一齊唱《衝上雲霄II》主題曲,其間一班機師老師、空姐老師,就拖住個篋慢慢步入禮堂,睇到班同學都好開心。