從來以為李綺雯（o靓妹）只是球星殺手、昆蟲殺手。劇集《仁心解碼II》充份證明她夠資格做變態殺手，o靓妹的歇斯底里演繹看得觀眾心寒，畢竟如此火辣的索妹居然會有孤獨的冷是多麼吊詭。o靓妹殺得興起令人氣勁升，她在鏡前苦練狠樣總算有回報。撰文：何慧斯

曾經掀起不少話題的《仁心解碼II》昨晚播映大結局，因被變態殺手李綺雯激起潛在人格分裂的楊怡，殺人無數，最終走上自轟而亡之路。

■李綺雯於《仁心解碼II》殺出一條血路，終於獲得外界注視。
攝影：陳順禎

今次o靓妹的變態演出獲得不少人讚賞，她不諱言感到開心，不過，她覺得仍有改進空間，她說：「收到劇本之後，我成日對住鏡練習，睇吓點樣可以陰沉啲、兇狠啲，得閒又會睇多啲劇本，同監製傾多啲偈，每場戲比平時放大啲嚟做，不過如果你??家問番我，我永遠都覺得可以做得更加好。」她續說：「但係我相信呢幾場戲會幾好睇，好少有劇集話個主角由正派變反派，最後又自殺，有啲似驚慄片，嗰幾場殺人戲仲好有電影感。」

■李綺雯坦言為做好今次的變態角色，不斷對鏡苦練兇狠樣。電視圖片

■自跟黃宗澤合作《護花危情》後，李綺雯逐漸獲得無綫器重，多了機會嘗試不同角色。劇照

■李綺雯跟足球員陳肇麒的一段情，鬧出連串是非。資料圖片

憎恨角色

o靓妹笑言看過自己的演出，都希望外界討厭這個人，她說：「有一場話方中信去醫院探我，出街嗰場戲淨係見到我狂嗌狂叫，其實去到後面又會有啲狂喊、扮儍嘅戲，不過方中信已經睇穿咗我係扮嘢，我睇完之後都好憎呢個人，想佢快啲死，場戲刪減咗都有啲可惜，我當然想有多啲機會出場，不過冇辦法，要為大局着想。」

面對這種難得機會，o靓妹坦言有機會當然想再試：「自從《護花危情》之後，我多咗機會嘗試做呢啲角色，慢慢累積啲經驗，監製話我都可以做啲成熟嘢。」

■今次李綺雯棄簽無綫經理人合約，只為獲得工作上的更大自由度。

約滿無綫

今年對o靓妹而言，不單是好開始亦是新嘗試，原來她與無綫的經理人合約已約滿，她說：「我都入咗行咁多年，都希望可以試吓靠自己，如果冇合約喺身，自由度會大啲，可以試唔同嘅嘢，我??家試緊做啲marketing同公關嘅工作，所以有機會同唔同公司合作，仲可以試吓幫人接工作，但係我唔會放棄幕前工作，因為我本身好鍾意拍戲，所以會兩邊兼顧。」

o靓妹一直予人感覺是愛拍拖多過工作，最轟動當然是先與霍啟剛傳緋聞，繼而又指她暗交球員陳肇麒（陳七），更爆出密照風波。

o靓妹有感而發地說：「我都唔係好明，有好多傳緋聞嘅人都唔識，我從來唔會主動講拍拖，一直都係專心工作，好似之前無綫搵我做《世界盃》，唔係因為我同某一個踢過波嘅人拍拖，而係體育組監製一直都知我喺亞視有主持節目，對我有信心，嗰陣我係用一個記者身份去做，事前仲睇咗好多資料做晒功課，唔識都會諗方法令自己識，見到乜嘢就拍乜嘢，我明白坊間會有呢個錯覺，不過只會令我更加畀心機去做。」

雖然回復自由身的工作尚算不俗，而且更多了不少主持工作，但談到對未來有沒有信心，她只說：「唔敢講，你知藝人嘅工作好被動，就算今次做得好，但係都要睇吓之後嘅工作安排。」