鄭嘉穎想結婚生仔 公開擇偶條件

鄭嘉穎今日應邀到尖沙嘴出席護膚品牌活動,佢喺台上分享護膚心得:「最重要濕潤,唔好咁dry。」

嘉穎近年北上吸金,都有差唔多半年時冇喺香港露面。有傳佢成為「內地一哥」,仲講到50萬拍一集劇,兼豪擲三千萬買樓畀媽咪同家姐,嘉穎就謙稱:「搵兩餐啫,『一哥』係警察嚟喎,總之o依家做得開心,個人比較定啲,家姐同阿媽都買咗樓,好開心屋企人唔使擔心我。(身家暴漲?)搵到食,唔使比較數字,係比以前好咗。」

此外,嘉穎仲主動開口話想結婚生仔,嘉穎話:「組織家庭係需要,但唔係為結婚而結婚,o依家未遇到,預到啱就會結。」佢仲公開擇偶條件:「要單身女性,同我夾,有智慧、聰明,以前會注重美貌,但人成熟咗,邊個80歲仲會靚?」

鄭嘉穎公開擇偶條件
鄭嘉穎坦言想結婚生仔。

鄭嘉穎同黎芷珊
嘉穎同黎芷珊今日出席護膚品牌活動。

鄭嘉穎公開擇偶條件
鄭嘉穎公開擇偶條件。