邪面純底 升 cup朱慧敏:唔介意做壞女人!

Face 156期

朱慧敏雖然已廿到抿,但身材仍然好似當年選港姐咁 fit,難怪當日身經百戰嘅攝影師,都大讚:「好靚,靚到唔使執。」

老襯底

邪面純底 升 cup朱慧敏:唔介意做壞女人!

2010年05月19日

娛樂圈要上位,行性感最有效。任你係神級靚模或一線姐仔,有時總要騷吓「事業線」。大把人恨做尤物,偏偏有人唔想做, 04年港姐亞軍朱慧敏,入行 6年,由於天生惹火,飾演角色離不開情婦、姣婆秘書等,最近喺《飛女正傳》內墊四個缽仔糕做姣爆大咪 OL,谷胸谷到入晒屋。年屆 29仍然被崇尚嫩口嘅高登仔狂 like!不過朱慧敏話:「做戲我唔介意做壞女人,私底下我好單純 o架!」

本週結局篇的《飛女正傳》,收視平均 26點, Janet Bin蔡少芬例孭重飛,不過劇中裝假狗,升 cup變 36D嘅朱慧敏飾演嘅貪錢、博上位女 OL,亦深得網民喜愛。

朱慧敏最怕自己影得邪氣,她說:「做戲已經夠晒喇!影相我想健康啲!」所以佢喺《飛女正傳》入面啲挺胸發姣 look,只會喺佢拍劇時先有幸欣賞到。《忽然 1周》圖片
朱慧敏最怕自己影得邪氣,她說:「做戲已經夠晒喇!影相我想健康啲!」所以佢喺《飛女正傳》入面啲挺胸發姣 look,只會喺佢拍劇時先有幸欣賞到。《忽然 1周》圖片

大胸 OLbr朱慧敏在《飛》劇中飾演巨胸女,除咗要帶定兩個 pad墊胸外,每講對白都要挺胸收腹,先做到迫爆效果!
大胸 OL
朱慧敏在《飛》劇中飾演巨胸女,除咗要帶定兩個 pad墊胸外,每講對白都要挺胸收腹,先做到迫爆效果!

高登仔一向鍾意嫩口女,雖然朱慧敏年屆中女,不過勝在夠索,網友都好支持佢!
高登仔一向鍾意嫩口女,雖然朱慧敏年屆中女,不過勝在夠索,網友都好支持佢!

愈做愈壞

朱慧敏 06年開始拍劇,雖然有做過乖女角色,但始終唔夠壞女人搶鏡,劇集以《珠光寶氣》水着上陣同已故陳鴻烈床戰最搏;而電影方面,喺《竊聽風雲》入面同李子雄辦公室偷情亦為經典,不過朱慧敏話:「其實我喺《畢打自己人》做嘅(高玲)好正面,好搶 o架!」你唔講真係唔記得添!

08年《珠光寶氣》飾演陳鴻烈情婦,其中一幕泳池上水,之後同烈哥有床戲,甚為經典,更成為朱慧敏代表作之一。
08年《珠光寶氣》飾演陳鴻烈情婦,其中一幕泳池上水,之後同烈哥有床戲,甚為經典,更成為朱慧敏代表作之一。

09年《竊聽風雲》身為第二女主角嘅朱慧敏,戲中同李子雄偷情戲極之大膽,絕對搶過第一女角張靜初。
09年《竊聽風雲》身為第二女主角嘅朱慧敏,戲中同李子雄偷情戲極之大膽,絕對搶過第一女角張靜初。

'10《天與地》同當時未猝逝嘅烈哥試造型,據知朱慧敏劇中同陳豪、張國強有不少床戲,激過《珠光寶氣》。《蘋果日報》圖片
’10《天與地》同當時未猝逝嘅烈哥試造型,據知朱慧敏劇中同陳豪、張國強有不少床戲,激過《珠光寶氣》。《蘋果日報》圖片

驚被定型

入行 6年朱慧敏拍劇冇停手,但拍親多係壞女人角色,當事人亦有口難言:「所有壞女人角色包晒嚟做,觀眾有讚係好,但真係想試吓做好女人呀,我好驚人哋以為我真係壞女人。」天生騷在骨子裏,監製一有勾男人、尤物角色,第一時間諗起佢,她說:「最近 3個監製搵過我做呢類角色,雖然我唔介意做壞女人,但我好驚被定型呀,畀我試吓其他嘢啦!」

監製愛將br朱慧敏一直係戚其義愛將, 06年第一次拍劇《 CIB刑事情報科》,朱慧敏說:「係珍姐同戚其義第一個用我嘅,好多謝佢哋!」《忽然 1周》圖片
監製愛將
朱慧敏一直係戚其義愛將, 06年第一次拍劇《 CIB刑事情報科》,朱慧敏說:「係珍姐同戚其義第一個用我嘅,好多謝佢哋!」《忽然 1周》圖片

緋聞男友br08年被拍到同《畢打自己人》 Marco趙永洪拍拖行街,不過朱慧敏就話:「大家係朋友啫!」《壹週刊》圖片
緋聞男友
08年被拍到同《畢打自己人》 Marco趙永洪拍拖行街,不過朱慧敏就話:「大家係朋友啫!」《壹週刊》圖片

堅拒賣肉

04年參選港姐,朱慧敏亞軍,徐子珊冠軍,季軍為傅思思,已經冇喺呢行發展!《蘋果日報》圖片
04年參選港姐,朱慧敏亞軍,徐子珊冠軍,季軍為傅思思,已經冇喺呢行發展!《蘋果日報》圖片

幕前電爆男人,私底下朱慧敏為免人誤會係壞女人,所以任何事都非常小心,早前為本刊拍照訪問,特登搵咗星級化妝師江中平(阿佘御用化妝師)幫手,她說:「中仔化得我好入屋 o架!出嚟冇咁壞女人!」朱慧敏雖然已 2字尾,但身材依然索爆,絕對可以賣肉賺錢,她說:「我淨係想做戲,賣肉、谷胸唔係演員做,某程度係貶低女性,(賺少好多喎?)咪唔賺囉,我好慳!」洗底嫌錢腥,真過班後生純情花旦喎!

巨胸之謎

《飛》劇中飾演 36D索爆女 OL,本身 33B嘅朱慧敏,每次演出都要裝胸上陣,她說:「每次都要帶兩個 34D嘅 bra,然後每邊攝 2個缽仔糕先有效果。」


結局陳豪變 Janet Bin

陳豪除咗同 Janet Bin一齊,仲因為一次接近死亡,而最後變成超人。
陳豪除咗同 Janet Bin一齊,仲因為一次接近死亡,而最後變成超人。

蔡少芬最後失去超人能力。
蔡少芬最後失去超人能力。

採訪、撰文:林通賢
攝影:黃家活
化妝:江中平
髮型: Brain Chiu@ Hair( Festival walk)
形象: Bryan@the flaming