長達80集的無綫處境喜劇《女王辦公室》明天播出大結局，有人期待接棒新劇《天天天晴》，亦有人難捨《女王》當中的搞笑角色。觀眾熱捧《女王》一眾主角，說「無頸肥仔」杜汶澤可以一鋪翻身；亦大讚吳卓羲肯拋開靚仔包袱做「電車男」；至於金剛的超搞笑廣東話，睇好他將來必定大紅；連師奶盧宛茵都大熱，因她有幕扮MargaretBaby，市民說：「佢索過正宗Baby口架！」經過3個多月晚晚追睇，到底《女王》哪個角色，最得民心？
播足3個多月的處境劇《女王辦公室》，雖說由「Queen姐」汪明荃掛帥，但全劇每個角色各具不同性格，個個有特色，吸引度絕非落在幾位主角身上，反而最搶戲的，相信是連編劇、監製都意想不到的幾位配角，為整齣《女王》帶來不少喜劇效果。晚晚追睇《女王》，連帶當中角色都入屋，變成自己家人一樣，只可惜《女王》也有曲終人散時，到底當中哪個角色，最令市民留下深刻印象呢？

本報為此進行了一次民意調查，並成功在街頭訪問了50名市民，查詢他們對《女王》劇中哪個角色最為受落！結果顯示，杜汶澤飾演為求賺錢，可以不擇手段的單身父親Leven，獲28%最多被訪者支持，全因這位「無頸肥仔」的獨特抵死搞笑演繹，令觀眾晚晚笑餐死。「呢個肥仔最初出場，周圍呃呃騙騙，連阿婆都唔放過，阿澤演得非常賤格，可謂得心應手，到後來發現佢嘅所作所為，原來全為獨力養大一對孖女，令到個角色又變得有血有肉，徘徊善惡之間，所以對佢好感大增……」

其實阿澤的搞笑本色，在不少電影都出現過，例如《無間道》、《頭文字D》裏都偶有金句，令人捧腹！今次破格演劇，觀眾認為他應可一鋪翻身，洗清近年霉氣，重獲觀眾支持，繼續有運行。「其實Leven為人有情有義，對亡妻一直掛念，對孖女不離不棄，對老細Music及師傅Queen姐更加撐到義無反顧，加分唔少，令我都有少少鍾意咗佢。」

市民讚角色夠地道

第2位的「最愛角色」，同樣是洗底成功的吳卓羲，今次他甘願放低一貫型男形象，變身做四眼宅男，無朋友、無嘢講、癡愛巴士、屋企開飯要夾開食，但卻有22%被訪者投他一票，認為「巴士K」傻更更夠可愛，且是吳卓羲演戲生涯的一大突破，「唔係個個小生都肯醜化自己，吳卓羲